Versets bíblics populars de Yowano 10

Comparteix

Mwíji hakwiza akava kwiva nakujiha nakwenyeka. Ami nguneza mangana vapwenga namwono, kaha vapwenga nawo wakulisala.

Ami nguKafunga wamwenemwene. Kafunga wamwenemwene mwasuula mwono wenyi hali mikoko jenyi.

Mikoko jami veji kwivwanga lizu lyami, kaha Ami ngwavatachikiza, kaha nawa veji kungukavangizanga.

Ami ngwavahana mwono wázeneka kukuma, kaha kaveshi kwiza kukanongako, kaha nawa kakweshi umwe mwavahukula mulivoko lyamiko.

Ami yami Chikolo. Weshowo mwengilila hali Ami navamulwila, kaha mwengila nakulovoka nakuwana kuulilo.

Ami nguKafunga wamwenemwene. Ngwatachikiza vami, kaha vami nawa vangutachikiza.

Tata, Ou nanguhanevo, ahambakana vosena, kaha kakweshi umwe mwahasa kuvahukula mulivoko lyaTatako. Ami naTata twapwa Umwe.

Ngana omu angutachikiza Tata, mukiko nawa ngwatachikiza Tata, kaha nangusuula mwono wami hali mikoko jami.

Naumwe mwangutambulawo wauchi, oloze nánguusuula Ami Ivene. Ngukwechi ngolo jakuusuula, kaha ngukwechi ngolo jakuutambula cheka. Omu mukiko ángulweza Tata.

Shikaho Yesu avambile cheka ngwenyi, Mwamuchano vene nangumilweza ngwami, Ami yami Chikolo chamikoko.

Ou vánakambe, ázeneka kupwa kafunga, ou keshi mwenya mikokoko, hakumona kangunge ali nakwiza, mwaseza mikoko nakuchina, kaha kangunge mwavahukula nakuvapuzumuna.

Mwamuchano vene nangumilweza ngwami, Ou mwazeneka kwingilila kuchikolo chalimba lyamikoko, oloze mwanyinyina heka, ikiye napu mwiji, napu nawa chihwanga.