Versets bíblics populars de Yowano 6

Comparteix

Yesu avambile ngwenyi, Ami yami Mbolo yamwono. Ou mweza kuli Ami keshi kukevwa zalako, kaha ou mwangufwelela Ami keshi kukevwa cheka lipwilako.

Shipilitu Ikiye Muka-kuyoyesa, chisemwa chamujimba kachawahisako. Awa mazu ngunahanjika Ami kuli enu, akiko shipilitu, akiko mwono.

Kanda namukilikichila kulya echi cheji kulyenyekangako, shina kulya kana chakutwalililaho nakuhana mwono wázeneka kukuma, echi mwamihana Mwanamutu, mwomwo Ikiye vanahake katachikijilo kuli Ise Kalunga.

Mwomwo mwaya muchima waTata mukiko omu ngwenyi, weshowo mwamona Mwanenyi nakumufwelela mwapwa namwono wázeneka kukuma, kaha Ami nangukamusangula halikumbi lyakukuminyina.

Yesu avakumbulwile ngwenyi, Mulimo waKalunga ukiko kufwelela Ou átuma.

Veshovo mwanguhana Tata naveza kuli Ami, kaha ou mweza kuli Ami kangweshi kukamuhangako.

Shimona Petulu amukumbulwile ngwenyi, Ove Mwata, natuya kuli iya? Ove uli namazu amwono wázeneka kukuma

Ami yami Mbolo yakuyoya yafuma mwilu. Wose mwalya kuMbolo yino mwayoyanga kujingonde jázeneka kukuma. Kaha Mbolo nanguhana Ami mangana vaka-kaye vapwenga namwono, yikiko nyama yami.

Naumwe mwahasa kulijila kuli Ami wauchi, kuvanga Tata Uze ángutuma amukoke, kaha Ami nangukamusangula halikumbi lyakukuminyina.

Mwomwo Mbolo yaKalunga Ikiye Ou afuma mwilu ahana vaka-kaye mwono.

Ami yami Mbolo yamwono.

Kaha Yesu atambwile tuze tumbolo, kaha hakukumisa kusakwilila, avapangililile vaze vatwamine — natuze tuishi nawa mwomumwe kutesa nomu vasakilile. Kaha omu vekuchile, alwezele tumbaji twenyi ngwenyi, Mbatenu vihanda vinasaleho nakuvilama, kuchina navilyenyeka.

Jino, omu vavuwile kafwe jikilomita jitanu chipwe jitanu nayimwe, vamwene Yesu ali nakutambuka hameya hachijiva nakupandama kuwato, kaha vevwile woma. Oloze avambile ngwenyi, YAMI NGWAPWA, kanda namwivwa womako.