Versets bíblics populars de ಮತ್ತಾಯೆ 13

Comparteix

ಒರಿ ಪಾತೆರೊನು ಕೇಂಡ್ದ್ ತೆರಿಯೊಂದು ಫಲವಂತೆ ಆದ್ ನೂದೆದಾತ್ ಆವಡ್, ಅಜ್ಪದಾತ್ ಆವಡ್, ಮುಪ್ಪದಾತ್ ಆವಡ್ ಫಲ ಕೊರ್ಪೆ; ಇಂಬೆನೇ ಎಡ್ಡೆ ನೆಲ ಆದುಲ್ಲೆ,” ಅಂದ್‌ದ್ ಪಂಡೆ.

ಒರಿ ಪಾತೆರೊನು ಕೇಂಡಲಾ ಲೋಕದ ಚಿಂತೆ ಐಶ್ವರ್ಯೊಡ್ದು ಆಪಿನ ಮೋಸಲಾ ಈ ಪಾತೆರೊನು ದೆಂಗಾದ್ ಬುಡ್ಪಿನೆಡ್ದ್ ಫಲ ಕೊರಂದೆ ಉಪ್ಪುವೆ; ಇಂಬೆನೇ ಮುಳ್ಳುಗಿಡೊಕ್ಲೆಡ್ ಬಿತ್ತ್ ಬೂರಿ ನೆಲ ಆದುಪ್ಪುವೆ.

ಏರಾಂಡಲಾ ಪರಲೋಕ ರಾಜ್ಯದ ಪಾತೆರೊನು ಕೇಂಡ್ದ್ ತೆರಿಯೊನಂದೆ ಇತ್ತಿನಪಗ ಸೈತಾನೆ ಬತ್ತ್‌ದ್ ಆ ನರಮಾನಿನ ಉಡಲ್‌ಡ್ ಬಿತ್ತ್‌ದಿನೆನ್ ದೆತ್ತ್ ಪಾಡುವೆ; ಆ ನರಮಾನಿಯೇ ಸಾದಿದ ಬರಿಟ್ಟ್ ಬೂರ್ದಿತ್ತಿ ಬಿತ್ತ್ ಆದುಪ್ಪುವೆ.

ಪಾದೆ ನೆಲತ್ತ ಮಿತ್ತ್ ಬೂರ್ದಿನ ಬಿತ್ತ್ ಪನ್ನಗ, ಒರಿ ಪಾತೆರೊನು ಕೇಂಡ್ದ್ ಅಪಗನೇ ಅವೆನ್ ಸಂತೋಷೊಡು ಸ್ವೀಕಾರ ಮಲ್ಪುವೆ; ತನ್ಕ್ ಬೇರ್ ದಿಂಜ ಅಡಿಕ್ ಪೋವಂದಿನೆಡ್ದ್ ಇಂಬೆ ಒಂತೆ ಕಾಲ ಮಾತ್ರ ಇತ್ತ್‌ದ್ ಆ ಪಾತೆರೊಡ್ದು ಆಯಗ್ ಕಷ್ಟ ಆವಡ್ ಭಂಗ ಆವಡ್ ಬತ್ತ್ಂಡ ಬೇಗ ದಂಟ್‌ದ್ ಬೂರುವೆ. ಇಂಬೆನೇ ಪಾದೆ ನೆಲಟ್ಟ್ ಬೂರ್ದಿತ್ತಿ ಬಿತ್ತ್ ಆದುಪ್ಪುವೆ.

“ಪರಲೋಕ ರಾಜ್ಯ ಕಂಡೊಡು ಕೌಂತು ದೀತಿ ದ್ರವ್ಯೊಲೆಗ್ ಸಮ ಆದುಂಡು. ಒರಿ ಅವೆನ್ ನಾಡ್ ಪತ್ತ್‌ದ್ ಮುಚ್ಚಿ ದೀದ್ ಸಂತೋಷೊಡು ತನ ಬದ್‌ಕ್‌ನ್ ಮಾತ ಮಾರ್ದ್ ಆ ಕಂಡೊನು ದೆತ್ತೊಂಡೆ.

ನನ ಕೆಲವು ಬಿತ್ತ್ ಎಡ್ಡೆ ನೆಲತ ಮಿತ್ತ್ ಬೂರ್ದು ಕೆಲವು ನೂದೆದಾತ್, ಕೆಲವು ಅಜ್ಪದಾತ್, ಕೆಲವು ಮುಪ್ಪದಾತ್ ಫಲ ಕೊರಿಯ.”

ಸುಗ್ಗಿ ಕಾಲ ಮುಟ್ಟ ರಡ್ಡ್‌ಲಾ ಬುಲೆವೆರೆ ಬುಡ್ಲೆ; ಸುಗ್ಗಿಕಾಲೊಡು ಯಾನ್ ಕೊಯ್ಪಿನಾಕುಲೆಗ್ ದುಂಬತ್ತ ದಡ್ಡ್‌ಲೆನ್ ಅಜತ್ ದೆತ್ತ್‌ದ್ ಅವೆನ್ ಪೊತ್ತಾಯೆರೆ ಕಟ್ಟ ಕಟ್ಟ್‌ಲೆ ಬೊಕ್ಕ ಗೋದಿನ್ ಎನ ತುಪ್ಪೆಗ್ ದಿಂಜಾದ್ ದೀಲೆ,’ ಪಂಡ್ದ್ ಪನ್ಪೆ,” ಅಂದ್‌ದ್ ಪಂಡೆ.