Versets bíblics populars de LIKI 13

Comparteix

«Aŋ ayə səɓaki la a kusrəŋ bə ve a ku kuli feleŋleŋiŋa. Ten waataŋ gəəzi minti: kaa ablaw bə golde yaŋ minti té ve ada, səma yə neke bə ve ada ba.

Kəya həlgə yaŋ ada, kəwal dagna wəra laate hor cuuru azəgən. A goɓoŋ wəra, a ɗempa hare wəra bə ɗekre pəda. Bə minti Yeesu asnaŋ, wə mantana daana wə waatəna minti: «Həlgəŋ, te bədəŋ ne wəra ku dege niitiŋa.»

Kəya wə məlaŋ kəəsu sara. A ko toŋa ada faɗi a ɗekreŋ wəra, daana a əsəŋ bə tokɗe Pepeŋa.

Bədoona, sərdə kaa gə minti wəra adoro hebkənaŋ, kole yaŋ wəra kaa gə ajew. Sərdə kaa gə minti hebkəna ajewaŋ, kole yaŋ wəra kaa gə adoro.»

Bə minti bərdə kuliŋ faŋ ne apəyaŋ, wə bə gisiŋ ku kuliŋ ne wəraŋ, aŋ bə jəŋ ne wəra tiilimaŋ, kəya aŋ isi yaŋ bə le ku kuliŋa bə waate minti: ‹Barkaŋ, bəŋə ku kuliŋ la wəra a are!› Wə haraŋ kel yaŋ minti: ‹Ko bə minti aŋ bəŋ da adaŋ paapa də dərən ba!›

Ten waataŋ minti, paapa. Səma jəəne minti aŋ koloŋ kerkeŋ a baymele nəətiŋ baŋ, aŋ bese yaŋ wəra keɗe bə té ana gəm.»

Səma wə hare yaŋ bə waataŋa pa minti: ‹Ko bə minti aŋ bəŋ da adaŋ paapa də dərən ba. Aŋ zee la warna sarən na, aŋ kaa kə jəəti baymeleŋ keɗe!›

Kəya Yeesu minti: «*Kumna kə Pepeŋ bə ŋarə-ŋere də maa toŋ mo? Ten bə ŋəru la haa də maa toŋ mo? Wə bə ŋarə-ŋere haa bə dər kəbaŋ anə fenna gə daŋə-deŋe kumsi keɗe gə minti yə məntəy minti ‹mutardəŋ› ana. Hulum ɗeŋ a ju'uy giidə aka nuutuŋa. Kəya yə dəyaŋ wəra, yə koloŋ wəra kəbaŋ kəmtəŋ, kaskoŋ topoŋ kuli neeteŋ a kəəsiŋa.»