Versets bíblics populars de LIKI 17

Comparteix

Kəya Yeesu wəətunu minti: «Faa la apəya, ɗee la; de nəmtiŋ seerenem ne wəra.»

Jəəne minti wə jəətəŋ baymele ne sarəma dər hi bə məna kampa seeɗaŋ, minti wə hartaŋ də ne səram da kampa seeɗa gəm, minti tó koloŋ kerkə tó ne a baymele kə toŋ, vəəgə giidim la wəra cuuru.»

Hulum guudi məna bə minti wə asaŋ minti tó seereŋ wəraŋ, wə haraŋ adoro da bə tokɗe Pepeŋa, bə naakte ku koloŋ-koloŋ. Kəya wə tuukuŋ sar Yeesu, wə vaŋ də guguuru kəmpuru, wə kuɓuŋ də ku tərmuyu adawra, daana wə juunu suuse. Hulum toŋ, wə *hulum bə Samari.

Aŋ amə kusrəŋ la pisi! Seenem jəŋ baymele ne sarəmaŋ, gilu la pisi. Jəəne minti wə koloŋ kirku ne a baymele nuutuŋ, vəəgə giidim la wəra cuuru.

Kəya Yeesu waataŋ minti: «Kaa horiŋ bə seereŋ wəra keɗe bə mo? Kaayaŋ tampəla'iŋ ane mo?

Barkaŋ haraŋ kel minti: «De nəətiŋ sə a jəə la boblo bə dər kolɓoy anaŋ, aŋ waataŋ kəbaŋ té kəmtəŋ ne gila minti: ‹Bəə la wəra, ɗee la warna a gere dər kan kəmtəŋ naŋ›, yə sə a doŋ kuŋ.»

Hulum bə minti bele anə ɗaaməna minti tó jəə la caw saksakiŋ, wə bese dədərgə du wəra haa bese ɗaw. Hulum bə minti bəsaŋ dədərgə du ne wəraŋ, wə seerəna wəra haa seere.

Yeesu waataŋ *kaa gə guuduŋ minti: «Kel gə minti feke kaŋ dər baymeleŋaŋ raawe wəra cəərə kaŋa bay ji ba, səma gəəliŋ ji yaŋ cəərə hulum bə minti kaŋ ku hulum ne bə ji baymeleŋaŋ. Yə a gaa hulum toŋ la dər kan kəmtəŋa də kuuni bə ecce bə əntə-ənti kuuru ɗaw, kəm haa kel ga'i saksaki jəəne minti wə gaŋ gom də beebe konce toŋ ne gila bə yaake kəkəy bə deŋaŋ.

Kel gə minti jəŋ dər hi kə Noweŋaŋ, yə ji yaŋ bədoona ana dege'-dege'i dər hi bə minti Kormə Hulúm bi duuruŋ gəm. Dər hi kə Nowe daŋ, kaŋ bə hame, bə se, bə tope kərama, bə ayte kərməyiŋa a kaŋkar, hãã bə minti Nowe kəlaŋ giidə turti mootoŋaŋ. Kəya kan kəmtəŋ haŋ da, yə bəsaŋ kaa kaayaŋ wəra keɗe.