Versets bíblics populars de यहुन्ना 1

Comparteix

पण जणा भी वींने मान्यो अन वींपे विस्वास किदो, वाँने वणी परमेसर की ओलाद वेबा को हक दिदो।

किंकी भी रचना करबाऊँ पेल्या बचन हो अन बचन परमेसर का हाते हो अन वो बचनइस परमेसर हे।

वो उजितो अंदारा में चमकतो रेवे हे अन अंदारो वींने कदी ने बजा सक्यो।

अन बचन देह रूप धारण लिदो अन दया अन हाँचऊँ भरियो-पुरयो वेन आपणाँ बचमें वास किदो। आपाँ वींकी अस्यी मेमा देकी, या बापू परमेसर का एकाएक बेटा की मेमा ही।

बचनऊँईस परमेसर दनियाँ की हारी चिजाँ बणई अन बचन का बना कई भी चीज ने बणईगी। बचन मेंईस जीवन हो अन वो जीवन मनकाँ का वाते उजितो हो।

आगले दन यहुन्ने ईसू ने आपणाँ आड़ी आवता तका देकने क्यो, “ओ परमेसर को उन्यो हे, ज्यो दनियाँ का लोगाँ का पापाँ ने आपणाँ ऊपरे ले लेई।

वो बचन अणी दनियाँ मेंईस हो अन परमेसर वणीऊँस दनियाँ बणई, पण दनियाँ का लोगाँ वींने ने ओळक्यो। वो आपणाँ लोगाँ का बसमें आयो अन पण वणा वींने ने ओळक्यो।

वो उजितो हाँचो हे, ज्यो हाराई मनकाँ ने उजितो में लाई, वो दनियाँ की नजराँ में आरियो हो।

आपाँने नेम तो परमेसर मूसाऊँ दिदा, पण दया अन हाँच ईसू मसीऊँ मल्यो।