Versets bíblics populars de Yahiya 12

Comparteix

Soysoy doman buwat kahandak ku, subay du nūs lān ku supaya nnoy-nnoy mman ku, ndooy du ya. Maka sagannap ma buwat kahandak ku, mastiꞌ pinaehe sina mintu meꞌ Mmaꞌ ku.”

“Soysoy ina numbul satu niiya nulut dī na halloman na ntuu ni junyaꞌ, mastiꞌ tiksaꞌ nyawa na. Sugaꞌ soysoy ina yaꞌ mean kahandak na bong pin tabean na kahandak ku, sampulnaꞌ nyawa na saumu labba man junyaꞌ sampay pa ahirat.

Sugaꞌ pingkaꞌ doꞌ ya duhuꞌ meꞌ karuha bigi tinanom llabbong. Baan ta kam banahan, tiyap-tiyap bigi, bong yaꞌ bay pingkaꞌ llabbong, dalamba na sadjaꞌ sina ya saumu. Sugaꞌ bong bay na pingkaꞌ llabbong, ndooy na boꞌ na dari tinanom ma labung buwaꞌ na.

Aku tu bay pitu pa junyaꞌ bilang sūꞌ marantaan pamiki manusiyaꞌ supaya yaꞌ na njawom lindom soysoy pitsayaꞌ niyaku.

“Na bong luu bay kale umanat ku, boꞌ yaꞌ kinanna meꞌ da, saꞌ du sina aku ngalabuan sila hukuman, batan maksud ku pitu pa junyaꞌ nalamat manusiyaꞌ, saꞌ ga ngalabuan sila hukuman.

Mindangoy ko, luu na baw si Mariyam moo katsaꞌ-katsaꞌ insallan hamut inawnan nalda, ga tongaꞌ liter. Pag-anu siꞌ, lay tumpahan na ni battis si Isa boꞌ pinuusan ka dūn kōk na. Na nalda looy ilay tud hagaan batan porol, boꞌ muhag-muhag na bawu na ni sikaliput lumaꞌ looy.

Dari lay sila ngaddoꞌ siga pappaꞌ kalapaꞌ-sawit boꞌ binoo pōꞌ man daira song pilay nampang iya. Takita da jaꞌ si Isa, bbuwatan da maghowapan mudji iya, yuk da, “Pudji tabi Tuhan! Sinupaatan jama naa ma pitu ni kawasa-kapatut Papuꞌ tabi Tuhan! Sinupaatan ko, sultan bangsa Israil!”

Yuk si Isa ninsila, “Tapit banahan na situ waktu ehe kabantugan Anak Manusiyaꞌ pinalahil.