Versets bíblics populars de Lúcas 11

Comparteix

Ha peẽ peneñañáva, peme’ẽkuaa ramo mba’eporãva pende ra’y ha pende rajykuérape, ko’yteve Ñanderuete ome’ẽva’erã katuete pe Pytu Porãva umi ojerurévape ichupe.

Che ha’e peẽme: Pejerure ha oñeme’ẽva’erã peẽme, peheka ha pejohuva’erã, pembota ha ojepe’ava’erã peẽme.

Upe ojeruréva ningo ohupity, ha upe ohekáva ojohu, ha upe ombotávape ojepe’ava’erã.

Ha Hesu he’i ichupekuéra: Peñembo’e ramo, péicha peje: Ore Ruete, toñemomba’eguasu nde réra. Ne retãguasu tou.

Ha eperdonami ore angaipa (rembiapo vai), ore roperdona háicha ore rapichápe ojapo vaiva’ekue orerehe. Ha ani oregueraha jepy’ara’ãme.

Ore rembi’u roikotevẽva ko árape g̃uarã, eme’ẽmi oréve ko árape.

Nde rete rataindy ningo nde resa, nde resa hesãi porã ramo, opaite nde rete ohesape porãmba avei, nde resa iñaña ramo katu, opaite nde rete iñypytũ.

Avave nomyendýi hataindy omoĩ hag̃ua ikoty ruguaietépe térã tupa guýpe, omoĩ uvei koty mbytépe yvate, upe oikéva ohecha porã hag̃ua.