Versets bíblics populars de ལུ་ཀ་ལེའུ་ 8

Comparteix

དེ་འབདཝ་ད་ ས་བཟང་སར་བུད་མི་སོན་འདི་ཨ་ནི་ཨིན་ མི་བསམ་པ་བཟང་པོ་དང་སེམས་ལེགས་ཤོམ་ཚུ་གིས་གསུང་འདི་ཉན་ཏེ་ སེམས་ཁར་བཞགཔ་མ་ཚད་ དཀའ་ངལ་དང་སྡུག་བསྔལ་ཚུ་བྱུང་རུང་ བཟོད་བསྲན་བསྐྱེད་དེ་འབྲས་བུ་ཐོབ་དོཝ་བཟུམ་སྦེ་ ལོ་ཐོག་བཏག་མི་ཚུ་ཨིན་ཟེར་ཡེ་ཤུ་གིས་གསུངས་ནུག།

རྩང་གི་ཚང་ན་བུད་མི་སོན་དེ་ཨ་ནི་ཨིན་ གསུང་ཉནམ་ད་ཁས་ལེན་འབད་དེ་ཉན་རུང་ ཁོང་ལུ་འཛམ་གླིང་གི་རྒྱུ་ཕྱེད་ཀྲམ་དང་ ཉམས་དགའཝ་ཚུ་གི་ཚ་གྱང་གིས་བསྡམས་ཏེ་ ཁོང་གི་དད་པ་ཡར་སྦོམ་འགྱོ་མ་ཚུགསཔ་བཟུམ་སྦེ་ ལོ་ཐོག་ཚུ་འཚོ་མ་ཚུགས་པར་ལུས་མི་ཚུ་ཨིན།

ས་རུག་རྡོ་རུག་ནང་བུད་མི་སོན་དེ་ཨ་ནི་ཨིན་ ཁོང་གསུང་ཉནམ་ད་སེམས་དགའ་སྦེ་ཉན་ཏེ་ དད་པ་བསྐྱེད་མི་ཆ་ཁྱབ་ཨིན་ དེ་འབདཝ་ད་ སོན་མར་ལས་ཡར་སྐྱེསཝ་ད་ ར་ཏོ་མར་བཏགས་མ་ཚུགསཔ་བཟུམ་སྦེ་ ཁོང་གི་དད་པ་ཡང་སྒྲིང་སྒྲིང་མེད་པར་ ཡུདཔ་ཐེངས་གཅིག་གི་དོན་ལུ་དད་པ་བསྐྱེདཔ་མ་གཏོགས་ ཁོང་ལུ་བར་ཆད་འོངམ་ད་དད་པ་བརྟན་ཏོག་ཏོ་ བསྐྱེད་མ་ཚུགས་པར་དད་པ་ལོག་སྟེ་ རྒྱབ་བཤུད་རྐྱབ་འགྱོ་མི་ཚུ་ཨིན།

ཁྱེད་ཀྱི་དད་པ་འདི་ག་ཏེ་སྨོ་ཟེར་ཡེ་ཤུ་གིས་ཁོང་ལུ་གསུངས་ནུག་ ཁོང་ཆ་ཁྱབ་གནམ་མེད་ས་མེད་འདྲོག་ ཧ་ལས་ཏེ་ཁོང་རང་གཅིག་གིས་གཅིག་ལུ་ ཁོ་ག་ཨིན་ན་ ཆར་རླུང་ལུ་ཡང་བཀའ་གནངམ་ད་ དེ་ཚུ་གིས་ཁོ་གི་བཀའ་ལུ་ཉན་བཏུབ་པས་ ཟེར་སླབ་ནུག།

ལམ་ཁར་བུད་མི་འདི་ གསུང་ཉན་མི་ཆ་ཁྱབ་ཨིན་ དེ་འབདཝ་ད་ ཁོང་གིས་གསུང་འདི་ཉན་སྡོདཔ་ད་ བདུད་འོངས་ཏེ་ཁོང་གི་སེམས་ཁར་ལས་གསུང་འདི་འཐུ་འབགཔ་ད་ ཁོང་དད་པ་མ་བསྐྱེད་པར་ ཐར་པ་ཐོབ་མ་ཚུགསཔ་ཨིན།

གསང་སྟེ་བཞག་མི་གཏམ་འདི་ ཤུལ་ལས་ག་ར་གིས་ཤེས་འོང་ གནག་དུང་ནང་སྦ་བཞག་མི་འདི་ཤུལ་ལས་ འོད་ཀྱི་ནང་འཐོན་ཏེ་ མི་ག་ར་གིས་མཐོང་འོང་།

དེ་ལས་ཨམ་སྲུ་འདི་ མོ་རང་གཡིབ་མ་ཚུགས་པར་མཐོང་ཆེཝ་ཨིནམ་ མོ་རང་གིས་ཤེས་ཏེ་ སྒྱིད་ཐག་འདར་འདྲོགས་ཏེ་ ཡེ་ཤུ་གི་སྐུ་མདུན་ལུ་བཅར་ ཕྱག་འཚལ་ཏེ་ མོ་གིས་ཁོ་གུ་འདོགསཔ་ད་ ག་དེ་སྦེ་དྲག་ཅི་ག་ ག་ར་གི་གདོང་ཁར་ཕྲང་སྟེ་ཞུ་ནུག ཡེ་ཤུ་གིས་ཨམ་སྲུ་འདི་ལུ་ བུམོ་ཁྱོད་རང་གི་དད་པ་གིས་ཁྱོད་རང་དྲགཔ་བཟོ་ཡི་ ད་ཞི་བདེ་ནང་ལོག་སོང་ཟེར་གསུངས་ནུག

དེ་ལས་ཁོང་སློབ་མ་ཚུ་ཡེ་ཤུ་བཞུགས་སར་བཅར་ཏེ་ སློབ་དཔོན་ལགས་ སློབ་དཔོན་ལགས་ ང་བཅས་ཆུ་ནང་ཐིམ་སྟེ་ཤི་ནི་འབད་དོ་ཟེར་ཞུཝ་ད་ ཡེ་ཤུ་མནལ་ལས་ཡར་བཞེངས་ཏེ་ ཆར་རླུང་ལུ་བཀའ་བཀྱོན་གནངམ་ད་ ཆར་རླུང་མར་ཞི་སྟེ་ སྐྱིད་ཏོང་ཏོ་སོང་ནུག