Versets bíblics populars de མེ་ཐིའུ་ལེའུ་ 10

Comparteix

ད་བལྟ་ཞིག་ ང་གིས་ཁྱེད་ལུག་བཟུམ་སྦེ་ འཕརཝ་ཚུ་གི་སྦུག་ལུ་གཏང་དོ་ དེ་འབདཝ་ལས་ཁྱེད་སྦུལ་བཟུམ་སྦེ་རྩེ་དྲགས་དང་ ཐི་ལི་རྒྱལམོ་བཟུམ་སྦེ་གཞན་ལུ་གནོད་མ་བཀལ་བར་སྡོད་དགོ།

ག་ར་འབད་རུང་ རང་གི་མི་ཚེ་ཕངས་པ་ཅིན་ དེ་གིས་ཁོ་རང་གི་མི་ཚེ་འདི་འཕྲོ་བརླག་གཏངམ་ཨིན་ དེ་འབདཝ་ད་ ག་ར་འབད་རུང་ རང་གི་མི་ཚེ་ངེ་གི་དོན་ལུ་བློས་གཏང་པ་ཅིན་ འདི་གིས་ཚེ་ངོ་མ་ཐོབ་ནི་ཨིན།།

ཁྱེད་ལུ་བསད་དགོ་མནོ་མི་ཚུ་ལུ་བལྟ་སྟེ་མ་འདྲོག་ ཁོང་གིས་གཟུགས་རྐྱངམ་གཅིག་ལུ་བསད་ནི་མ་གཏོགས་ ཁྱེད་ཀྱི་སེམས་ལུ་བསད་མི་ཚུགས་ དེ་འབདཝ་ད་ ཁྱེད་ཀྱི་གཟུགས་དང་སེམས་གཉིས་ཆ་རང་ལུ་ རྩ་མེད་བཏང་སྟེ་ དམྱལ་བ་གཏང་ཚུགས་མིའི་དཀོན་མཆོག་ལུ་བལྟ་སྟེ་འདྲོག

དེ་ལས་མི་ག་ར་འབད་རུང་ རང་གི་ཁྲམ་ཤིང་འབག་སྟེ་ ངེ་གི་ཤུལ་ལས་མ་འོང་པ་ཅིན་ ཁོ་ཡང་ངེ་གི་ཕྱག་ཞུ་ནི་གི་འོས་འབབ་མེད།

མི་ག་ར་འབད་རུང་ མི་གི་སྦུག་ལུ་ང་ལུ་ངོ་ཤེས་ཟེར་འཛོམ་དཔང་འབད་བ་ཅིན་ ཞིང་ཁམས་ལུ་བཞུགས་ཡོད་མི་ ངེ་གི་ཡབ་ཀྱི་སྐུ་མདུན་ལུ་ ང་གིས་ཡང་ཁོ་ལུ་ངོ་ཤེས་ཟེར་འཛོམ་དཔང་འབད་ནི་ཨིན། དེ་འབདཝ་ད་ མི་ག་ར་འབད་རུང་ མི་གི་གདོང་ཁར་ང་ལུ་ངོ་མི་ཤེས་ཟེར་སླབ་པ་ཅིན་ ཞིང་ཁམས་ལུ་བཞུགས་ཡོད་མི་ ངེ་གི་ཡབ་ཀྱི་སྐུ་མདུན་ལུ་ ང་གིས་ཡང་ཁོ་ལུ་ངོ་མི་ཤེས་ཟེར་སླབ་ནི་ཨིན།།

ནདཔ་ཚུ་དྲགཔ་བཟོ་ ཤི་སོང་མི་ཚུ་གསོན་པོ་སྦེ་ལྷོང་ མཛེ་ནད་ན་མི་ཚུ་གཙངམ་བཟོ་ འདྲེ་གདོན་ཚུ་བཏོན་བདའ་ དེ་ཚུ་ག་ར་ཁྱེད་ཀྱིས་ང་ལས་སྟོང་པ་སྦེ་ཐོབ་ཅི་ གཞན་ལུ་ཡང་སྟོང་པ་སྦེ་བྱིན།

དེ་འབདཝ་ལས་བརྟེན་ཏེ་ ཁྱེད་འདྲོག་མི་དགོ་ བྱི་ཅུང་ལེ་ཤ་ཅིག་ལས་ཡང་ ཁྱེད་རིན་གོང་སྦོམ་ཨིན།

ང་འཛམ་བུ་གླིང་ནང་ཞི་བདེ་འབག་འོངམ་ཨིན་མས་ཟེར་མནོ་བསམ་མ་གཏང་ ང་ཞི་བདེ་འབག་འོངམ་མེན་ དེ་འབདཝ་ད་ དཔའ་རྟགས་འབག་སྟེ་ ནང་འཁྲུག་སློང་པ་འོང་ཡི།