Versets bíblics populars de ወንጌል ዘማቴዎስ 7

Comparteix

ሰአሉ ወይትወሀበክሙ ኅሡ ወትረክቡ ጐድጕዱ ወይትረኀወክሙ።

እስመ ኵሉ ዘሰአለ ይነሥእ ወዘሂ ኀሠሠ ይረክብ ወለዘሂ ጐድጐደ ይትረኀዎ።

ኵሉኬ ዘይሰምዕ ዘንተ ቃልየ ወይገብሮ ይመስል ብእሴ ጠቢበ ዘሐነጸ ቤቶ ዲበ ኰኵሕ።

ኵሎኬ ዘትፈቅዱ ይግበሩ ለክሙ ሰብእ ከማሁ ግበሩ ሎሙ አንትሙኒ እስመ ከማሁ ውእቱ ኦሪትኒ ወነቢያትኒ።

ጥቀ ጸባብ አንቀጽ ወጽዕቅት ፍኖት እንተ ትወስድ ውስተ ሕይወት ወውኁዳን እሙንቱ እለ ይበውእዋ።

ባኡ እንተ ጸባብ አንቀጽ እስመ ረሓብ አንቀጽ ወስፍሕት ፍኖት እንተ ትወስድ ውስተ ኀጕል ወብዙኃን እሙንቱ እለ ይበውኡ ውስቴታ።

ወሶበ እንከ እንዘ እኩያን አንትሙ ተአምሩ ሠናየ ሀብተ ውሂበ ለውሉድክሙ እፎ ፈድፋደ አቡክሙ ዘበሰማያት ይሁብ ሠናየ ለእለ ይስእልዎ።

ኢትኰንኑ ከመ ኢትትኰነኑ። እስመ በኵነኔ ዘኰነንክሙ ትትኴነኑ አንትሙ ወበመስፈርት ዘሰፈርክሙ ይሰፍሩ ለክሙ።

ወኵሉ ዘይሰምዕ ዘንተ ቃልየ ወኢይገብሮ ይመስል ብእሴ አብደ ዘሐነጸ ቤቶ ዲበ ኆፃ።

ለምንት ትሬኢ ሐሠረ ዘውስተ ዐይነ እኁከ ወኢትሬኢ ሠርዌ ዘውስተ ዐይንከ ኢታቤይንኑ። ወእፎ ትብሎ ለእኁከ ኅድገኒ አውፅእ ሐሠረ እምውስተ ዐይንከ ወናሁ ሠርዌ ውስተ ዐይንከ።

ተዐቀቡኬ እምሐሳውያን ነቢያት እለ ይመጽኡ ኀቤክሙ በአልባሰ አባግዕ ወእንተ ውስጦሙሰ ተኵላት መሠጥ እሙንቱ። ወእምፍሬሆሙ ተአምርዎሙ ይቀሥሙሁ እምአሥዋክ አስካለ ወእምአሜከላ በለሰ።

ከማሁኬ ኵሉ ዕፅ ሠናይ ፍሬ ሠናየ ይፈሪ ወእኩይሰ ዕፅ ፍሬ እኩየ ይፈሪ።

ኢይክል ዕፅ ሠናይ ፍሬ እኩየ ፈርየ ወኢዕፅ እኩይ ፍሬ ሠናየ ፈርየ።

ኵሉ ዕፅ ዘኢይፈሪ ፍሬ ሠናየ ይገዝምዎ ወውስተ እሳት ይወድይዎ።