Versets bíblics populars de Yɔn 15

Comparteix

Mam n de ta'aŋa la, ti yamam dɛna yila. Sɛba n naaɛ la mam, ti mam me naaɛ la ba la wani zɔ'ɔra mɛ, se'ere zuo, la han dagena la mam puan, ya kan ta'am iŋɛ sɛla.

Boi ya la mam, ti mam me bɔna la ya. Wuu yile n kan ta'am wam wala de ma'a se'em, han dagena de naaɛ mɛ la ta'aŋa la, bala mɛa ti yamam me kan ta'am wam, han dagena ya naaɛ mɛ la mam.

Ya han bɔna la mam, ti n yelehum la bɔna la ya, soke ya yan boti sɛla, gee la wan tum bo' ya.

Yamam ka looe mam, gee mam n looe ya, gee tum ya ti ya kiŋɛ ta wam wala. Ya wam wala sɛ'a n kan pu'ɛ. Bala ti Sɔ la wan bo' ya sɛla woo ti ya soke en mam yu'urɛ puan.

Se'em ka tari nɔŋerɛ n karegɛ gana dina wa, ti nɛra dikɛ a vom bo' a zɔduma.

A ŋmati yile-se'ere woo n naaɛ la mam gee ka wuna baha mɛ. Gee yɔreha yile-se'ere woo n naaɛ la mam gee wuna wala ti de wam zo'e zo'e.

“Mam Pa'alegɔ n ŋwana. Ti ya nɔŋɛ taaba, wuu mam n nɔŋɛ ya se'em la.

Mam Sɔ pɛka boi la, ya wam zo'e zo'e. Ŋwana ti ya wan dɛna mam zahereba.

“Mam de yelemɛŋerɛ sinsabega, ti mam Sɔ bihera sinsabega la.

Se'em woo n ka naaɛ la mam, ba lobere en baha mɛ wuu yile ti ba ŋmaaɛ bahɛ ti a ku'e se'em la. Yile aŋa, ba ni lagehɛ ba mɛ bahɛ bugum puan ti ba di.

N yeti ya yele ana wa woo, ti mam nyɛɛŋɔ wan bɔna la yamam puan, ti ya nyɛɛma pirɛ.

Ya han gurɛ mam pa'alegɔ duma la kankaŋi, ya wan bɔna n nɔŋerɛ la puan, wuu mam n gurɛ n Sɔ pa'alegɔ duma la se'em kankaŋi la, bɔna a nɔŋerɛ la puan se'em la.

N bo'ori ya pa'alegɔ kuna, ti ya nɔŋɛ la taaba.

Ya han deni timpaberɛ wa zuo dinɛ, timpaberɛ wa zuo wan nɔŋɛ ya wuu a dinɛ la. Gee yan dagi timpaberɛ wa zuo dinɛ la, gee mam n looe ya yehe timpaberɛ wa puan la, bala zuo ti timpaberɛ wa zuo yaaɛ ya la.