Versets bíblics populars de एहुना 1

Comparteix

मनदो हाँय एचेरेकू बिसवासकेरा, हँकुःआ जमा होड़कू भगवानरिकुःआ लइंकू होयाः लगा हातपाते एमेवाडकुःआ।

चउंदीस बुँहड़ीन अते मनाड़ंग सरवन दोहोना अरू हना सरवन भगवान सुदा दोहोना अरू सरवन भनगवान दोहोना।

मरसल अंदरारे विड़चेड़ता। मनदो अंदरा हना मरसल ओरो इड़ीग अवेतेरा।

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

हनाँय जमा बरानाः जिनिसकूने तुलाकेरा अरू हाँय बेगर, तोनोंगाः जिनिस मेर बड़ाँवगना। हनाँय जमाकू लगा जीवे एमेकेरा अरू हना जीव होड़कू सताय एचे सुदीकूता हना मरसल दोहोना।

एटाः दिन एहुना आँयग अगी ईसू वेगतो ञेलतिडिगखने कतातेरा, “ञेलेयपे, चउंदीसरिकुःआ होड़कूराः कसूरे बराव एंडाता भगवानरीग भेड़ा होन ननाँय हवे।

हाँय चउंदीसरेय दोहोना अरू चउंदीस हाँयते बड़ाँवकिया, मनदो चउंदीसरिकुःआ होड़कू हाँय मेरकू सिनहागडीग। हाँय अनँयगरिकुःआ निकता होड़कू एचेरेय वेजेडा, मनदो हँकुःआ होड़कू हाँय मेरकू मनेवागडीग।

होड़कू लगा सताय जीवराः मरसले एमेता हाँयग होड़ चउंदीसरे वेग लगाय दोहोना।

भगवानराः नियम मोसेसतेय एमेकेरा मनदो ईसू मसीते भगवान अबूय मयावारा अरू अनँयगराः सताय अबूय एचे उदुःवारा।