Versets bíblics populars de एहुना 10

Comparteix

इनिग होड़ इनिगगे लगा, अरू ञेड एएंडा लगा अरू लाय एएंडा लगाय वेगता। मनदो हँकू जीव पवाः लगायिंग वेगकिया अरू मुरुक बडे बगराकू पवाः।

नपाय सरवाहा ईंग हवे। नपाय सरवाहा आँयगरिकुःआ भेड़ाकू लगा गुजुः लगा हों सपड़ावतो दोहोनता।

ईंगरिकुःआ भेड़ाकू ईंगराः अरोकू अयूमता। ईंग हँकूयिंग सुदीता अरू हँकू इनिंग देह दूरकू वेगता।

ईंग हँकू लगा ओरो टुटीगनेना हना जीविंग एमेवाकूता। हँकू कहियो ओरोकू लायनेना अरू तोनोंगीग हँकू ईंग तिःई अते ओरोकू गोः अवेतेडकुःआ।

भेड़ाकूराः गुदड़ीराः दुवार इनिंग हवे अरू तोनोंगीग ईंगते हंडाय बोलता, हाँय बनसाव जुवाःताय। हाँय बेगर बोरते बोल उडुंगगुः घड़ीने सराःता।

नपाय सरवाहा ईंग हवे। ईंग ईंगरिकुःआ भेड़ाकूयिंग सुदीता अरू ईंगरिकुःआ भेड़ाकू ईंगकू सुदीता।

ईंगरीग अपांग भगवान, हँकुःआ होड़कू ईंग तिःईरेय जिमाकेडकुःआ अरू हाँय जमाकू अते मरंग इदानिया। अरू तोनोंगीग हँकू ईंग अपांगराः तिःई अते ओरोकू गोः अवेतेडकुःआ। ईंगरीग अपांग अरू ईंग मिनी हवे।”

अरू ईंग ईंगरिकुःआ भेड़ाकू लगा ईंगराः जीविंग एमेगोडता। ईंगरीग अपांग ईंगे सुदीता, हनन इया ईंग हों ईंगरीग अपांगिंग सुदीता।

तोनोंगीग ईंगराः जीव ईंग अते ओरोय गोः अवेतेरा, मनदो ईंग इनिंग ओंगोलतेयिंग एमेगोडता। ईंगराः जीव एएमे लगा अरू अरूयिंग गोः कुदाय लगा हों हातपात इदा। नाःआ हुकुम ईंग अपांग भगवान अगीतेयिंग पवावकिया।”

हनालगा ईसू हँकू एचेरे अरूय कताया, “अपे ईंगपे अयूम! भेड़ाकू बोल लगा दुवार ईंग हवे।

मंजूरीया होड़ सरवाहा मेरेय दोहोनता सहे भेड़ाकूरीग मालिक हों मेरेय दोहोनता। हनालगा रमू बुःआ वेगतोय ञेलेयतान दो, हाँय भेड़ाकूय ञीर एंडा अटूकूता। हनमेला रमू बुःआ भेड़ाकू साबकेडखने रिती-छितीगोडकूता।

दो ईसू कतातेरा, “अपे ईंगपे अयूम! भेड़ाकूराः गुदड़ीराः दुवारते मेरेय बोलता, मनदो एटाः अगीतेय देग बोलता हाँयग होड़, इनिग होड़ अरू लुड़ी होड़ इदानिया।