Versets bíblics populars de एहुना 17

Comparteix

आमराः सरवन सताय इदा। हनालगा आमकू सेवा लगा आमराः सताय सरवनते हँकूम एटाःगोडकू।

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

ने अपांग, ईंग नँकुःआ चेलाकू लगा एकला मेरिंग अरजीतना, मनदो नँकू कतायता हना सरवनते ईंग एचेरेकू बिसवासगेता, हँकुःआ होड़कू लगा होयिंग अरजीतना। ने अपांग, आम ईंग सुदा मिनी इदानमेःआ अरू ईंग आम सुदा मिनी इदानिंगा, हनन इया हँकुःआ होड़कू हों जमाकू अँननकू अँकू मिनी जुवाः। नाःआते चउंदीसरिकुःआ होड़कू बिसवासगेता अनम ईंगमे वारकेरा।

हँकू नाःआ चउंदीस अते रेम गोःयाकू लगा ईंग मेरिंग अरजीतना। मनदो बेलूरीग अते हँकूम बनसाव हड़ाःकू लगायिंग अरजीतना।

आम ईंगमे एमेवारा, हना मान मरजइत हँकू लगायिंग एमेकेरा, जेमहा अलंग मिनी इदानलंगा हनन इया हँकू होंकू मिनी जुवाः। आम ईंग सुदा मिनी इदानमेःआ अरू ईंग हँकू सुदा मिनी इदानिंगा, जेमहा हँकू जमालेःआतेकू मिनी जुवाः। हनाते चउंदीसरिकुःआ होड़कू सुदीयता अनम ईंगमे वारकेरा अरू आम ईंगमे दुलारकेरा हनन इया हँकू होंम दुलारकूतना।