Versets bíblics populars de Lucas 11

Comparteix

Meꞌ tsanꞌ ac̣hiꞌyity miꞌin, jämꞌsiꞌ qui namꞌ soꞌmaqui ĉụiꞌtyiꞌ ạvaꞌ miꞌin, dadamꞌ raꞌ muꞌ Jenꞌ mạyedyeꞌchety Ạꞌedyeꞌ muꞌ jam raꞌ quijatutacsi muꞌin cọdyetety in.

Mọꞌdyes yụ jéyac, cọdyemac Jenꞌ, chat qui raꞌ muꞌ soꞌminac, quevvac, chat qui raꞌ dạctiñeꞌ, fayi jụijyaꞌ chụiꞌdyeꞌyaꞌ miꞌin, muꞌ raꞌ vanacjiyinac miꞌin.

Tyi chuc cọdaquity jụijyaꞌ, muꞌ raꞌ Jenꞌ jasoꞌmiti, tyi chuc queveꞌtyiꞌ jụijyaꞌ, dạqueꞌ raꞌ, tyi chuc fayity chụiꞌdyeꞌyaꞌ jụijyaꞌ, vanacjeyeyac raꞌ chụiꞌdyeꞌ.

Jesús jéyacsi jịꞌchiyactyiꞌ muꞌ: —Cọdaqui Jenꞌcheꞌ jụijyaꞌ miꞌin, meꞌ raꞌ jétinte: "Tsuntyiꞌ Jenꞌ, paj muntyiꞌ in ạ̈räjjin in, cọdaqui tsun chimeꞌ paj qui cavintum ayoꞌbuꞌyi mi.

Jam raꞌ dyijtubutiĉaꞌ mi juchaj tsun, yojdyemꞌ tsun jam dyijtucsebiban juchaj u muꞌin yódyetydyemꞌ juchajtuntyiꞌ u tsun. Ñútyitiĉamꞌ paj qui jam jịꞌĉojtac tsun sọyoꞌyaꞌ", meꞌ raꞌ yi cọdaqui miꞌin Jenꞌcheꞌ.

Räjĉan mạyedyeꞌ soꞌmitiĉamꞌ säcsedyedyes tsun.

Mọꞌ vej miꞌin mọꞌ nash jeñej buꞌyiꞌ aꞌĉansiꞌ mạijyis miꞌin. Chuñem vej jụijyaꞌ miꞌin, räjtumdye aꞌ miꞌin mạij buꞌyiꞌ. Jam na naijtiꞌ jụijyaꞌ vej miꞌin, joꞌmeiꞌdyemꞌ aꞌ miꞌin tojmaiꞌ.

Yiris mạijyis aty jiꞌjäꞌnacyaꞌ jam junꞌ tupuj äptac, jemoñeꞌ cheꞌvemꞌ yụꞌtac paj qui mạijchucsiꞌ räj muꞌĉantyiꞌ muntyiꞌ in.