Versets bíblics populars de Jenesis 25

Comparteix

LORD neke cheke eghu ka naꞌa, “Iagho ginauna na fakarhidi phei thumu nalhaꞌu eghuteuna phei mae igre ginauna mala phaꞌudi phei vike. Eghume phei mae te au teu ka thi'amu iagho na igre ginauna na fnota eghu. Kaisei tothoghei naikno ginauna nheta uluni keha na. Mae teke kulu karha gne mala ke loku ranghini mae teke karha ke leghu na eghu.”

Aonu mae Iso ne cheke eghu ka mae Jekop, “Ghema, faghose. Iara rofo nogu fara, famei keha ghegu susupu ukru ka teke kuki iagho ana.” Naugna igne naiknore kiloni mana Idom. Eigna gaoghathogna Idom teu igne, “Ukru” eghu ka cheke Hibru na.

Nu khetogna mae Isak gne neke khara neke theo thugna kolho, aonu mae Isak gne neke tarai ka LORD eigna Rebeka. eigna Rebeka. LORD neke cheke tughuni nogna tharai mae Isak na. Aonu Rebeka bukla ne au phei thugna nalhaꞌu.

Mae Iso ne cheke eghu, “Filo sagho, iara gne namo lehe ka grofo. Jame te lehe iara na, nogna dedei mae kmagu malagu iara teku igre ginauna na theome togho ghau iara.” Nu mae Jekop ne cheke eghu, “Uve, ulu lahu na iagho na cheke kate tutuani ka iara nate tusu mei iagho nolaghi igne ka iara na.” Aonu mae Iso ne cheke kate tutuani ne tusu lao ka mae Jekop nogna nolaghi na.

Kate karha mei fapea mae na mana ne loku famaku ka ghahegna mae Iso na. Aonu repa ne kiloni mana Jekop, naugna mana neke loku famaku ka ghahegna mae Iso na. Mae Isak gne neke namno salei finoghagna hi neke karha mei nga ka Rebeka phei mae te phakri igre.

Mae Isak gne neke magnahagheni mae Iso fara naugna mana magnahaghei te ghamu bosu mata ka mae Iso. Nu Rebeka magnahagheni fara mae Jekop.