Versets bíblics populars de S. Juan 17

Comparteix

A t'ʌn jach taj y yete a t'ʌn toj ki' k'uye ti tech.

A je' lʌji' a kuxta a mu ya kimi winik: ka' u k'oo'tech, lʌjiech a tech jach K'uj y mʌnʌ' tu jer y ka' u k'o'ota' a Jesucristo a mok tech ta tuchi'ta.

»Mo' jari kin katik tech yok'o a layo', bexi' ti' a mok ku bin u ch'ae a t'ʌn tuk'in ku yui'k a tsikbo' a layo'. Kin k'atik tech a ts'ek kʌjto' jach ket u yoro'; bex bix tech Tet ti'ech yete ten y ten ti'en yete tech, bexi' tio' u ki katik u yoro' yete to', ti' u jach ch'ei'ko' u winikio' a lu'm jach tech ta tuchi'ten.

Mʌnʌ' in k'atik tech ka laj jariko' wai yok'o lu'm, toj jari in k'at a kʌnʌntik ti' a mo' tsoy a ba' ku tar tio'.

A muk' a ta ts'aten, ten tin ts'atio', ti' u metik u bʌjo' jump'eri' a bex a to' junturio': Ten ti'en yete tio' y tech yete ten, ti' u jach ki katik u yoro' jumuch', y bex a winik yok'o lu'm ku jach bin u yire jach tech ta tuchi'ten y jach otsi a wirik bix ten otsi a wiriken.