Versets bíblics populars de Lucas 9

Comparteix

Te'uri i Jesús xub'ij chke konojel i winaq: —Jun, we kraj kterej chwij, o uchak much'ob' chik rib', xwiri ij ij kterej ni chwij tupu kkam ni rumal ile.

Man jun we k'ax kuna uk'aslemal waral, kusach uri uk'aslemal chi saqil. Xwiri, we o jun ksach ni uwach uk'aslemal xa wumal yin, kya' uri uk'aslemal saqil che.

I Jesús xub'ij che: Yet aweta'am chi we o jun o rij ab'ixb'al, i xa ktaqen chrij, suk'ul ti uchak kelik. Xaq keje ile jun, we kok pa ajawinik re i Dios, utz taj we k'a kutaqej wach ukanam kanoq —xub'ij che.

¿Wach taq wa kraj i winaq che we kuch'ak ronojel uwach i jyub' ta'aj, we xa ku'an k'ax che rib' o xaq kusachsaj taq rib' utukel?

We o jun xa kk'ix che wumal yin, we kk'ix che intzij, xaq yin kink'ix ni che ire are kink'un tan chik. Yin chi Xinalaxoq chwach Ulew pacha Winaq, lik kink'un chik ru' u'ij uchomal Inqajaw xaq ru' ki'ij kichomal i lo'laj ángel.

I Jesús xula' uwach che: —I yak o kijul; xaq i tz'ikin o kisok, xwiri Yin chi Xinalaxoq chwach Ulew pacha Winaq, nti pa kinkotz'b'a wi injolom are kinuxlanik —xub'ij che.

Te'uri xub'ij chke: —Pachin jun kuk'ulaj i ak'ali ru' pinb'i yin, are yin uri kinuk'ulaj. Pachin kinuk'ulaj yin ru' xaq kuk'ulaj uri i Dios chi in taqawnaq loq. Pachin nti u'ij chixol yix are ire atz u'ij uri chkiwach i rachi'il —xub'ij chke.