Versets bíblics populars de लूका 14

Comparteix

“जै तुऐं मैरै चैलै बोणणा चांव, औरौ तुऐं आपणै माँ औरौ बापू औरौ घोरवाल़ै औरौ नानड़िया औरौ भाईयों औरौ बोइणी औरौ आपणै प्राण कै जादा प्यार कौरौ, तौ तुऐं मैरै चैलै ना बौण सौकौ।

मैरा चैला बाणणौ कारिए तुऔं दुख सैहणौ औरौ मौरणौ कारिए बै तैयार रौणौ पौड़दौ, सैजाई मैरा चैला बोणला।

जिथुकै जू कुणिए आपी कै बौड़ा सौमझला, सै नानड़ा कौरा जांदा, औरौ जू कुणिए आपी कै नानड़ा सौमझला, सै बौड़ा कौरा जांदा।”

ऐशैखैई तुऔं मुंजीदा जू कुणिए आपणा सौबै ठुँ त्‍याग दैला, सैजाई मैरा चैला बौण सौकौ।”

जै तुऔं मुंजीदा कुणिए मकान बाणणौ कै योजना बौणांव, तौ सै औगौड़ियौ बोठेयो इयौं बातौ का हिसाब कौरदा कै इथु बाणणौ दा किशैक खर्चा आन्दा, औरौ दैखदा कै इथु पूरु कौरणौ कारिए मुंआगो पूरै पौयसै औसौ कै ना आथी? जै तैणै ऐशै नी, कोरी तौ जोबै सै नीयुं पाए पांदा पोरो पोरे टोल ना सांडै पांदा, तौ सौबै दैखणौ वाल़ै तैसका ऐजौ बौलेयौ मजाक उड़ांदै। ‘ऐजा आदमी बाणदा तौ लागा पौरौ तिथु पूरु ना कौरी।’

पौरौ जौल़ौ तू खाणौ खाए, तौ कंगालो, टुंडै, औरौ लोंगड़े औरौ आन्धै कै बौईद। तोबै तू धन्‍य हौंदा, जिथुकै तिनुवागे ताखै बौदला चुकाणो कारिए किछै ना आथी, पौरौ जौल़ौ धरमी लोग मौरेयौंदे मुंजीदै जियुंदी हौंदै, तौ पौरमेशवर तुऔं इनाम दैंदा।”

“नूण तौ आछौ औसौ पौरौ जै नुणौ का स्वाद बिगड़ै जांव, तौ तिथु कियों चीज़ौ लैई नुणाटौ कौरलै? सै ना तौ जोमीनो कै औरौ ना ही खादो कै काम आंव। तौ तिथु लोग बायरै फेरकाए दैंव। जिनु कुणिए मैरै बात शौणै लोए, सै ध्यान शै शोणेयो।”