Versets bíblics populars de मरकुस 16

Comparteix

तोबै यीशुए तिनुखै बौल़ौ, “तुऐं सारै दुनिया पांदी जाऐबा सारै धोरती कै लोगौ खै सुसमाचार प्रचार कौरौ।

औरौ बिशवाशियौं खै चौमत्कार कौरणौ कै शौकतै दै जांदी औरौ तिनुमुंजी ऐजै निशान हौंदै कै, सै मैरै नांव शै दुष्टआत्मा खै बाईंडी गाड़लै; औरौ हांव तिनु नुई-नुई भाषा बौलणौ कै लायक बौणाऊंबा। जै सै ऐक विषाल़ा दानो खै ऊबा टिपलै तौ हांव तिनुखै बौचाया कौरदा, औरौ जै सै जोयर बै पिलै, तौ हांव तिथलैई तिनका नुकसान ना हौणौ दैंदा। जै सै मैरै नांव लोयो बीमार लोगौ पांदी हाथ राखलै, तौ सै ठीक हौए जालै।”

जू मुं पांदी बिशवाश कौरलै औरौ ऐक निशान कै तौर पांदी बपतिस्मा लोले। तिनु पौरमेशवर तिनकै पापौ कै सौजा शै बौचाल़ा, पौरौ जू कुणिए मुं पांदी बिशवाश नी कौरला, तिनुखै तिनकै पापौ कै सौजा दैला।

औरौ चैलै तिथदै निकल़ैयो सौबी जौगैह पांदी प्रचार कौरा, औरौ प्रभुए तिनुकै शौकतै दै, औरौ जू चौमत्कार कै काम तिनुऐ कौरे सै साबित कौरौ कै तिनका सौंदेश साचा थिया। (आमीन) का मतलब औसौ ऐशैकैई हौंव।

तैणै तिनुखै बौल़ौ, “हैरान नी हौया, तुऐं यीशु कै जू नासरत गांव का औसौ, जू क्रूसो पांदी चौढ़ाया गौआ थिया, जैसी तुऐं जौए लौआ। सै मौरेयौंदे मुंजीदा जियुंदी हौए गौआ, सै इथै ना आथी; दैखौ, ऐजाई सैजा ठाँव औसौ, जिथै तिनुऐ तैसीखै धोरे राए थिया।

जोबै तिनुऐ गुफा कै ढौबौ दैखौ, तौ बौड़ा पाथर आगैई दवारो पौरैशा हौटाएयौंदा थिया। जोबै बैटमाणिशौ कब्रो कै भीतरै जाऐबा दैखौ कै ऐक जवान कै चोमकैयौंदे चिटै खोटणो बाम्बैयौंदा सोऐं ढौबौ बौठेयौंदा दैखा, औरौ सै बैजाए हैरान होई।