Versets bíblics populars de Ruuka 12

Comparteix

Gho ghayo, na niinyu, mubhe mwisëëmiri eriibhagha ryose, gho kubha eni Omoona o Mooto, nekuucha kwo riibhagha rino motitëngʼiire.”

Gho ghayo, mutabhare singa obhutëmi bho Ryobha, iryo ndëköbhëëngërëërëri ghayo aghande.

Akamara Yesu akabhabhoorera abhaato bhayo akabhugha, “Mwimööhërëri! Mwichonge na atëëmö e bhwighomberi bho bheghiro, gho kubha, obhuhöru bho mooto, bhotaakorwera mo‑bhwaru bho bheghiro bheeche bhino anyi nabhyo.”

Ahaghiro hano moghotoora agharinga yaanyu, niho ne emetema gheenyu gheekubha.

N‑niwe ghate yaanyu uno aghotora gho kwinyaaki kooche, kwiyëngëra obhuhöru bhooche koru gho sa imu?

Akamara Yesu, akabhabhoorera abhaanabheegha bhaache akabhugha, “Mbe, ˆnekabhabhoorera, motanyaakera eriimanya reenyu, kubha neke mookurë, hamu kubha neke mokobheeka.

Amare kwo ribhaara reenyu, Eryobha ndyeche omubharo o chanchweri choose che mitu gheenyu. Mbe, motabha moratiina gho kubha inyu moonyi no obhwëra ghokera ebhichëghë bhyaru.

“Motatiina, inyu erikinda isuuhu, gho kubha Iso waanyu uno anyi Mwishaaro nasiighiri kobhaha obhutëmi bhooche.

“Mwituuri eghetuubhaani ke makoorukooru. Ghataheemi koru ghatahaatu, ghataanyi na amamba koru eghitara, amare Eryobha ndehagharaagheri. Inyu moonyi no obhwëra bhokoro chwee ghokera ebhinyönyi!

“Mbe, motabha moranyaaka kubha, neke mookurë, hamu neke mookunyo, motabha morinyaaki ighoro e ghayo.

Mbe, aribha Eryobha ndehaabheeki amanyaaki ghi ibhara, koru nangabha ghaanyi‑ho reero, na tabhoori ngakurëkëru mo‑mororo, ibheere, nibhu reghuköra retighe kobhabheeki inyu ghokera ebhibhari bhe manyaaki ghayo? Neke abhaato bhano moonyi no obhokumi bhosuuhu?

Ghyokyose kino ghekundekiiru ngekohunyuru, na kino kebhisuru ngeghotooru haheero.