Versets bíblics populars de Ruuka 23

Comparteix

Yesu akabhugha, “Oo Taata! Obhaabhërë, gho kubha bhateeche kino bhaghuköra.” Bhakamara, abhaashirikare bhayo bhakahööha amaghööti gha Yesu gho ghoghatëmëra akuura.

Yesu akamugharokeri akabhugha, “ˆNeghakobhoorera obhuhëënë, reero ino nookubha haghirohamu na neeni mo‑Chaasare.”

Achekumara ghayo, akabhugha, “Oo Yesu! Hano oghusöha mo‑bhutëmi bhoocho, na neeni ohiite!”

Yesu aghakuura kwo riiraka ikoro akabhugha, “Oo Taata! Akörö yaane ˆnekayetoora mo‑mabhökö ghaacho.” Hano amariri kobhugha ghayo, aghatena akörö.

Hano bhahikiri ahaghiro hakobherekeru Ekehoore ke Mutu, bhakamumamba Yesu mo‑musarabha, haghirohamu na bhayo bha masari bhabhere, umu mo‑musarabha o kwiro, no owonde mo‑musarabha o kumosi.

Hano rehikiri eriibhagha re chaasa ishaasabhe che mwishe, ase yoose ekangʼuuri mbagha hano ehikiri mo‑chaasa kende, eryobha reghatigha kurëngaari. Omwando uno ore oteniini Mwisëngërö oribhiri Ahaghiro Ahatööbhiyu ha Hatööbhiyu, oghachaaruka ghateghate amabhaara abhere.

Omokoro o bhaashirikare bhayo, hano arooche ghayo, akareghongi Eryobha, arabhugha, “Oo! Hëënë, omooto uno m‑muhëënë are!”