Versets bíblics populars de Ruuka 5

Comparteix

Hano amariri kobheeghi, akamobhoorera Simiyooni akabhugha, “Noohire obhwato, tughëndë mo‑ghetibhokera ke nyancha, mwiki charwërö cheenyu, moweesane chaasu.”

Simiyooni akamugharokeri akabhugha, “Oo Omutëmi wiito, ntoweesiine gho changuru obhotiko bhoghima, amare totaabhwine gheghiro ghyokyose! Mbe, neghochiiki charwërö ibheere gho kubha n‑iye ˆokabhugha.” Mbe, Simiyooni na abhaghëndi bhakarëkëra charwërö cheebho mo‑manche. Bhakaweesana chaasu chaaru chwee, kerende charwërö cheebho cheghasëëma ghutanduka.

Amare kwo riibhagha ryaru Yesu naare arabhatigha aghi ahaghiro hano abhaato bhataanyi asabha Eryobha.

Eni ntiichiri kobhabherekera bhano bhakwirighi kubha, m-bhahëënë ambërë e Ryobha. Amare niichiri kobhabherekera bhano bhaanyi na amasari, kubha bhatuukuune.”

Hano Simiyooni arooche ghano gharweriire hayo, akahighama ambërë e Yesu, akamobhoorera akabhugha, “Oo Omutëmi, otiikara na neeni, gho kubha eni n‑omooto o masari neenyi!”

Yesu akabhagharokeri akabhugha, “Abhaato abhahöru, bhataakwënda omughabho, amare abhabhabharu nibho bhakwënda omughabho!

Simiyooni na abhaghëndi bhaghagharoki amaryato ghaabho rubhareka nyancha, bhaghatigha ebheghiro bheebho bhyose hayo, bhakamutambana Yesu.

Yesu hano are mo‑moghya umu o mo‑mukööwa o Ghariraaya, akaacha omooto umu anyi na ambiti omobhere moghima. Hano amorooche Yesu, aghagho kebhuuma, akamusasaama arabhugha, “Oo Omutëmi, örëënda, noghotora koomusa.” Yesu aghaghöröröki okubhökö, akamoturi, akamobhoorera, “Nekwënda, omusu!” Hayo hayo, obhoshaagha bhooche bho mbiti bhookahöra.

Koru hangʼu, amangʼana gha Yesu ghakëëngëra ghusancha chwee mo‑bhaato. Abhaato bhayo mbaare bharaacha ghokooche amakinda na amakinda, bhabhönë ghutëghëërëra ameeghi ghaache, na kuhöribhu amabhabharu ghaabho.