Versets bíblics populars de Ruuka 9

Comparteix

Akamara, Yesu akabhabhoorera bhoose kubha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache chaasiko choose, antambane.

Mbe, wowoose uno akwënda kobhuhöni obhuhöru bhooche, iwe nakobhobhori obhuhöru bhooche. Wiiki wowoose uno akobhobhori obhuhöru bhooche gho ghiri yaane, nakobhotoori.

Yesu akamobhoorera akabhugha, “Omooto wowoose uno amariri ghughööta eriishërë korema, amare ishoorori kumööhi anyuma, uyo taakurëngʼaanera kubha omutamishi mo‑bhutëmi bho Ryobha.”

Omooto, arabhöna ebheghiro bhyose bhe mo‑se ino, amare abhori hande ghwisireekereri omwene, naakubha abhwine bhwëra ke?

“Wowoose uno akondigheri chaasoni eni na amangʼana ghaane, Omoona o Mooto woose nakomorigheri chaasoni omooto uyo, hano akuucha kuucha mo‑bhokumi bhooche obhokoro, na bhwi Ishe, na bho bhamarayika bhaache abhatööbhiyu.

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

akabhabhoorera akabhugha, “Omooto wowoose uno akomughënëhi omooto o haase kinya omoona uno kwo riina reene, naakubha angënëhiri eni woose. Wiiki omooto uno aghungënëhi, namughënëhiri uno antomiri. Ibheere, omooto uno anyi omosuuhu ghate yaanyu bhoose, uyo niwe omokoro ghokera bhoose.”