Versets bíblics populars de Zaa 19

Comparteix

Zezwii 'nɩmää nʋ 'la 'wëë, ɔ lɛ naa: «Yɩ 'wuë yɛ 'klʋ yie.» Ɔ gbää sa'a 'wëë, 'n 'ɔ 'wukpëlea yiɛ kpëghlele bhli, 'n 'ɔ nyɛmʋʋ yiɛ bhɩɛ.

Yɩ 'plɩɛ sa'a 'wëë, Zezwii ‑yi sɛ nɩɩ, libhoo Lagɔ 'nyɔ a‑a, ɔ kʋ zɛmö bhɩɛ, 'n ɔ yiɛ gbʋ ‑dɩ, ɔ lɛ: «'Nyutʋ lɩbhaa.» Ɔ gbää sa'aa, wɛlɩkïbhë ‑bhlʋ ‑a cɛlɩ a‑a 'kɩ ɔ dɛ ‑mä Lagɔbɔgʋʋ 'möö, ma‑a 'wlʋnɩɛ da'a 'yli.

‑Lɛ Zezwii a ‑da yɔwʋ, 'ɔ ‑gänɩnyɔɔ ‑ɔ ‑glɔɔ tenyii dlɩ 'wʋʋ, ɔ 'nɩgbömö ‑lɛ. 'N ɔ yiɛ ɔ ‑da 'dɩ 'nyɛ nɩɩ: «‑Bhɩa, ‑na'a yuu mɔɔ da'a.» 'N ɔ yiɛ 'ɔ ‑gänɩnyɔ 'la 'dɩ 'nyɛmö, ɔ lɛ naa: «‑Na ‑da mɔɔ da'a.» 'Bhöönɩa'a ‑lɛ, mɔɔ ‑sua'aa Zezwii a ‑da.

‑Maa wa 'kää Zezwii 'wʋ ghlɛɛ, wa lɛ zʋ a sɛ'ɛ, ɔ ku‑u, ‑sɩbhä a za, wa 'nɔa'a bhɩ 'kätɛ. ‑Maa 'slʋjeyi ‑bhlʋ ɔbhlɩ, mɔɔ 'libhïä 'ɔ lii 'wʋ, 'n ɔ yiɛ Zezwii 'a gbäközɛmö 'fïta. Ɔ 'fïtaa ‑lɛ, 'n dlu ‑nyɛ 'nyu 'sɔ yiɛ ‑lɛ ghlɛnɩ.

‑Li 'la 'wuë, kïbhïï ‑yɩ cɛlɩ a‑a ‑mä Lagɔbɔgʋʋ 'möö, yɩ 'kä 'yli 'wlʋnɩ a za, nza yɩ 'plɩɛ ‑sɩbhä 'wʋ. Sɛ'ɛ tɛkäkïbhëa nʋä nɩɩ: Wa 'naa 'kä ɔ 'kwëyi ‑bhlʋ a'bhë 'kätɛ. Sɛ'ɛ 'sɔnaa nʋä nɩɩ: Nɩkpɛɛ wa 'fïta a‑a, wa yo zɩla'a 'ylɩmö.

Wa ‑nyɔɔ ‑wʋä ‑mä glɔ 'mö 'wlʋ dɔ'wʋʋ, suu wa 'kɔɔ 'klʋ kʋnɩɩ, ɔ'bhë ɔ ‑suu 'n wa ‑nyɔɔ yiɛ ‑mä 'wlʋ. Dɛ ‑bhlʋ, dɛ wa laa Ebleegbʋ 'mö Gogotaa ‑yɩ sɛɛ zɛmö nɩɩ 'wutɔkʋʋ, 'n wa yiɛ ‑lɛ mö.

'Slʋjaa 'libhoo 'wʋʋ, 'n wa yiɛ ‑dɛglaglipë lɩbhä, 'n wa yonyɩɛ 'wlu zʋ. 'N wa yoo ‑bäna 'käda 'mö päla, a 'zɩzla.