Versets bíblics populars de Lwiikö 5

Comparteix

Zezwii bhïlaa 'wëë, 'n ɔ yi'ɛɛ Simɔɔ 'dɩ 'nyɛ, ɔ lɛ naa: «Simɔɔ, dɛɛ nyuu 'bhʋɔnɩɛ tenyii 'möö, ‑n ‑nyɛ gɔlʋʋ nɩ 'dio ‑lɛ, ‑n ‑nyɛ ‑na'a nɩkpaa 'sɔ, a 'kä ‑lɛ 'a ‑dɛdɩɩ 'pä.»

Ɔ lɛ naa: «‑Atʋ, ‑a ‑wʋ sabʋ'ɔ ‑dɛdɩ 'pä dɔ'wʋ ‑këë 'n zlɩ yiɛ zɩ, ‑aaa 'wuë ‑lu 'lɩbhä 'lɩlɩlɩ. ‑Maa ‑nmö gbä yɩa'aa ‑sɩbhä zaa, ‑a yi ‑lɛ 'pä.» ‑Maa wa 'pää ‑lɛ ‑dɛdɩɩ, wa 'kɩa'a ‑mä ‑sɛɛ yii, wa 'niɛ bhɛnɩ, zibhï a dɔ'wʋ, yɩ lɛ 'kä 'kpɔ do.

‑Maa Zezwii ɔbhlɩ mää nɩkpɛ 'nɩɛ ‑wʋʋ, ‑mä ɔ möä 'kwädlɩ 'n ɔ bhibhenɩɛ ‑mä Lagɔ.

Zaa, ‑wa zlɔnɩɛ 'mö Lagɔ 'yila a 'klʋ a dɔ'wʋʋ, wa za n'n‑ä yi. ‑Maa 'nyinylolinʋwaa a za n yiɛ, wa 'kä ligba wa 'kä 'wa ‑lizokuu kɛ'mö ‑sɛ.»

‑Maa Simɔɔ wa la'ɛɛ Piɛlɩ, ɔ 'yɩɛ ‑li 'la 'wuë 'ylɩmöö, 'n ɔ yiɛ ‑lɛ Zezwii a dlɩ 'mö ‑kokomïladigbï glu 'pä. Ɔ lɛ naa: «‑Alowli, 'dionɩɩ gwë, ‑maa 'nyinylolinʋnyɔ n glɩnɩɛ.»

Zezwii 'nʋä, ɔ lɛ naa: «‑Ɔ ‑yɛɛ, ɔ'ɔ tɛlɩ ‑dʋtaa sɛ, ‑maa ‑ɔɔɔ ‑yɛ, mɔɔ tɛlɩɛ ‑dʋtaa sɛ.

Zezwii gbää sa'aa, Simɔɔ ‑nyɛ ɔ 'bhɩa 'sɔ, wa glɛɛ 'wa gwälɩɩ 'wëë, 'n wa yiɛ 'wa ‑lii 'wuë 'wʋ ylɛ, 'n wa yoo 'bɩwʋ bhlinɩ.

'Tɛnyɩ ‑mɛmɛɛ 'mö, ‑mä Galilee‑bhölɩɩ 'mö a ‑glɔ 'kɔdʋ ‑bhlʋ 'mö, 'n Zezwii yiɛ ‑mä nɩkpɛ ‑bhlʋ ghlɩnɩ. Ɔ 'wuë 'zla. Ɔ 'yɩɛ Zezwii 'ylɩmöö, ‑lɛ ɔ dlɩ 'mö 'n ɔ yiɛ 'klʋ glu 'pä. Ɔ lɛ naa: «‑Alowli, n bhiamö, ‑n ‑kä 'wʋ ngluu, ‑n mlɩnɩ ‑n ‑kaa yɛmanɩ n 'kä 'wlɩlɩ plɛ.» Ɔ nʋä sa'aa, 'n Zezwii yiɛ sɔ 'mö plu, 'n ɔ yoo kɛ zɩ. Ɔ lɛ naa: «N ngulu 'wʋ, zaa, yɛmanɩ.» Ɔ gbää sa'a cuu, 'n zlaa yiɛ nɩkpɛɛ yɔwʋ bhɩɛ.

‑Sɩbhä yɩ ‑wʋ 'mö, ‑maa Zezwii 'a nglɩɩ mö tenyii 'yize. Nɩkpa a ‑bɛ yo 'kwädlɩ yɔwʋ wa 'kä 'ɔ wɛlɩɩ 'yukwli ‑pʋnɩ ɔ 'kʋä'ɛ yɛmanɩmö a za.