Versets bíblics populars de Lwiikö 8

Comparteix

‑Maa nɩkpa ‑mumuë ‑wʋ ‑lɛ, mʋa ‑nyɛ dʋdʋ a ‑dʋdʋʋ 'wlʋnɩɛ wabhlɩ. Wa ‑kä Lagɔwɛlɩɩ 'nʋʋ, mʋa ngluniɛ dlɩ a dlɩ 'mö 'wʋ, 'n wa zwiɛ dila zɛmö. Dɛ wa kää sɛ 'n wa nyɔnʋä ‑lɛ kɛ 'n wa tlʋä 'bhï a bhï.

‑Mumuë ‑nyɛ dʋdʋʋ ‑wʋ kää ‑dɛgla 'wʋ 'wlʋnɩ'ɛ wabhlɩ. Wa nʋ Lagɔ 'a wɛlɩɩ 'wë, ‑maa mä'ä 'pɩwʋ a dlɩpäpʋ ylʋä. Wʋlʋnɔ ‑nyɛ mä'ä 'pɩwʋ a ‑lii 'wuë 'sɔ a tʋʋ lɩbhʋä, 'n yɩ gbʋ plɛnuëë tenyii 'n wa dlʋä Lagɔ 'a wɛlɩɩ 'wʋ, 'n wa teklinɔɔ 'wʋ.

‑Mumuë ‑nyɛ kpayidʋdʋ 'wlʋnɩ. Wa ‑kä Lagɔwɛlɩɩ 'nʋʋ, 'mänasɛ wa ngwliɛ 'wʋ, ‑maa wa 'niɛ sasɛ dila zɛmö 'zʋ. 'Ylɩya 'mö, wa kɩ dlɩ 'wʋ, ‑maa 'klɩyɩyɛ ‑kʋä yɩ za ghlɩ cuu, kɛ'mö wa sɩɛ.

'N ɔ yiɛ 'ɔ ‑gänɩwaa nimï 'yɩbhä nɩɩ: «Sɛ yɩ ‑wʋ ɔ 'mö 'n a 'nɩ bhä Lagɔ dlɩ 'tɛɛnɩ 'nɩ?» Wa 'wuë nganɔ, 'n zuzu yuëë ‑gömö 'bhöö 'n wa 'yɩbhäyɩbhänɩɛ nimï nɩɩ: «'Ɔ! 'Saa‑nɩkpɛ bhä sɛ ‑ma nɩ dɛ'ɛ, 'n ɔ ‑kä bhïlaa 'n 'vuu ‑nyɛ nyuu 'sɔ zo bhä 'klʋkpamö 'nɩ?»

‑Lɛ 'yio 'wʋ, dɛɛ lileyʋʋ bhlinɩɛ 'n zɩɩ yuä lii, ‑mumuë ‑nyɛ ‑lɛ 'wlʋnɩ. Wa ‑kä Lagɔ 'a wɛlɩɩ 'nʋ cuu, 'n Sataa yiɛ, 'n ɔ sʋänyɩɛ dlɩ zɛmö, wa tɩa Lagɔ dlɩ 'tɛɛnɩ, wa tɩa 'pʋ a za.

'Saa ziza‑a, wʋ yi 'ylɩ ‑bhlʋ 'mö zɛmö 'wlʋ. 'Saa nɩkpa 'nɩɛ 'wʋ yɩlɩɩ, wʋ yɩ 'ylɩ ‑bhlʋ 'mö 'ylɩmö yoo.

Nglɔɔ 'yɩɛ 'ylɩmö nɩɩ, ɔ'ɔa'a zizosɛ ‑kä, ɔ 'wuë nganɔ a za, ɔ ‑wʋ tɩtlɛnɩ dɔ'wʋ, 'n ɔ yiɛ yi, 'n ɔ yiɛ ‑lɛ Zezwii a dlɩ 'mö ‑kokomïladigbï glu 'pä. Nɩkpabhë a 'yila 'klʋ, sɛ yɩ ‑wʋä 'mö 'n ɔ yiɛ Zezwii kɛ zɩ, 'n ɔ zoo kɛ cuu a sɛ ɔ yɛmanɩɛ, 'n ɔ yiɛ yɩ 'wuë 'mö ‑sɛnɩ. Zezwii lɛ naa: «Na 'yu, sɛ ‑n 'tɛɛnɩɛ Lagɔ dlɩ a za, ‑n yɛ yɛmanɩ. Zaa, bhlɩ dlɩ sɛ ‑n 'kä mö.»

Zaa, n wa yiɛ Zezwii yɔwʋ 'dio 'n wa yoo gäla. Wa lɛ: «‑Atʋ, ‑Atʋ, ‑abhʋaa kuaa!» Zezwii gɔlɔɔ, 'n ɔ yiɛ 'vuu ‑nyɛ nyuu a ‑gbɔkwälɩ 'sɔ 'wʋ 'kpanɩ 'n yɩ yiɛ donɩ. 'N saa 'wuë yiɛ vlɩɩ plɛ.