Versets bíblics populars de लुका 17

Comparteix

फेनो येसु ओकरा कहल्‍कै, “उठ आ आपन रस्‍ता पकैरके जो। तोहर बिस्‍बाससे तु निक भेल्‍ही।”

अगर तोहर भाइ दिनमे सात बेरी तोहर बिरोधमे पाप करैछौ त आ सातो बेरी तोहर लग आइबके पस्‍चाताव करैछौ त, तोहे ओकरा माफ कैर दहै।”

एक गोरा अपना निक भेलियै से बात जानल्‍कै तब उ खुसी हैत जोरसे अबाज निकालके परमेस्‍वरके परसन्‍सा कैरते घुइमके एलै, आ उ येसुके टाङ पकैरके धन्‍यबाद देल्‍कै। उ एकटा सामरी छेलै।

अइ खातिर अपने होसियार रह! अगर तोहर भाइ पाप करैछौ त ओकरा दमसा आ उ पस्‍चाताव करैछौ त ओकरा माफ कैर दहै।

येसु कहल्‍कै, “कि यीसब निक भेल्‍हा दसो गोरा नै चियौ त? औरो नौ गोरे कते छौ?

तब फेनो येसु कहल्‍कै, “अगर तोरासबके बिस्‍बास रायके बियो बमौजी हेतौ त यि तुतके गाछके, ‘तु उखैरके समुन्‍दरमे रोपा जो’ कहबी त तैहनङ हेतौ।”

जे कोइ आपन जिबन बचाइले चाहैछै, से कोइ गुमाइतै, महज जे कोइ आपन जिबन गुमाइछै, से कोइ बचाइतै।

एक दिन येसु आपन चेलासबके कहल्‍कै, “पाप करैबला बातसब अबस आबैछै, महज धिक्‍कार ओइ लोकके, जकरसे एहेन बात आबैछै! जे छोटसे-छोट लोकसबके पाप करैले लगाइछै तकर घेंचमे जाँत बाइन्‍हके समुन्‍दरमे फेक देनाइ ओकरलेल असल हेतै।

नोआके दिनमे जेहेन भेल छेलै, मानबोके बेटा आबैके दिनमे ओहिनङ हेतौ। नोआ जहाज भितर नै ढुकैतक लोकसब खाइछेलै, पियैछेलै, बियाहबारी करैछेलै, तहै बखत बाइरह एलै आ सबके नास कैरदेल्‍कै।