Versets bíblics populars de Yohané 15

Comparteix

Tu wul àm, me b'a tù, bin be nkaṅtù: Mèn z'a ghô num àm mba me yàm ghô num i là, yen mèn nà num njam ntàm yàme, nummbe a be ke b'a me bin ke ku'ni neghù sàm ju.

Bin ghô num àm mba me yàm ghô num bin. Ndaṅndaṅ mba be kaṅtù ke ku'ni neyam ntàm ze tu, a be z'a ke' ghô num tù là, be ndaṅndaṅ bin ke' ku'ni, a be bin ke' ghô num àm nà.

A be ze bin ghô num àm, ntshob màm ghô num bin nà, bin bètte mba ke lo bin kô là, mba bin nsi kwé.

A ke b'a bin na' mbèn ntsho' àm, là, a b'a me na' mbèn ntsho' zine, mbèn njab zine, ndù bin nène, mba ndù bin yam ntàme, mba ndù ntàm min bèn ntswe, ndùlala ndù mba ke lo ze bin nsi bètte Tà num lén sàm nà, a fà bin.

Sàm mèn ke' bèn ngù mo' nkôni ze ndùb ntshùa z'a be mb'a be mèn fà yôg se num tu shun tse là.

Mba sit kaṅtù lo s'a be num àm ke be yam ntàm nà, a num nkeb i; mba sit lo s'a num njam ntàm nà, a num mfét'é, ndùlala ndù a yam ntàm ntshùate.

Yen ni b'a ntshù' àm, ndù bin ke nkôni bin bin, mba me be nkô zin nà.

Yen ni b'a nkuni Tàa, ndù bin yam ntàm yàme, ndùlala bin nsi tù' ghazi'te nu àm.

Tu wul àm, me b'a tù se nenùne, Tàa b'a ngadù'nà.

A be ze mèn ke' ghô num àm nà, mba bo ma' i njù mba kaṅtù là, a jum; bo tse'te men nà, ma' mbwôge, bo kù.

me lo tshob tshen tshu li bin, ndùlala ndù yàm tsiaṅte be num bin, mba ndù zin tsiaṅte dune.

A be ze bin lé' ntshù' màm nà, mba bin nsi ghô num nkôni àm, be ndaṅndaṅ, mba me lo lé' ntshù' Tàa, me ghô num nkôni i

Me tshob tshen tshu li bin à ndù bin ke nkôni bin bin.

A lo mbe ndù bin b'a ba ntùm njù, mb'a be njù kô ju z'a be ze là. Là mba bin ke' b'a ba ntùm njù, là mbe ndù me lo à tsho' zine, nsô zin ntùm njù là, a num ndùlala ze njù tshwèt mbàn zin nà.