Versets bíblics populars de IIMU/UUNGW 3

Comparteix

Naxés /ameeni gana aán mamaá xa'anoodá' kúto' i tsuuiyá' /aymaaro, slám ki hhohho' ngiwa ga/eer ilaawo, nee ki hhoo' as iwa sagalooár huwiya' biringa /ák. Maamár xa'anoowí gari bú', gari /ák, gari hhawaatuuwós i hanís, inós sleeme gari /aáy.

Ala dayshamo ku ilakahaár ta makaá sla/a sleémeero ba/a, kudá' AAKOÓ Mungú aa tleéhh. Inós /ameeni gari báy, «Xáy, adoorí an adór Mungú aa oói iwa kaahi, ‹Mamaá xaai sleémeero awa baraá asalmií diriiá' mi /ayaara'.› »

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

/Ameeni gari báy, «Ar ló', aníng slahh'amaayeerók ngi doók qoomár xwaylaro. Na/ii in xwayluúr ar slahh'amaaye, nee ilatleeriirók a gawaá daanduú hhawaatuuwók, nee inós kiíng i sawaawuti'ín.»

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

Hhawaata guri báy, «Asma kuúng afór hareerók kawa iiárií qás, mamaá xa'anoodá' uwa báw ‹mi /ayaar› kiri /ák, yaamu kaa lu'ús as kuúng. Kuúng muruú /aymaarók un baraawós wa sleér ar slahh'amuú gadiyér ur baraá slafiingók sleémeero.

AAKOÓ Mungú iri oó', «Heé ugwa bay kuúng a /aankwets? Xáy, kuúng mamaá xa'anoodá' uwa báw mi /ayaar, ina /ági?»

AAKOÓ Mungú hee guri guús baraá asalmoodae, keruúbi gari qaás bihhaá da/aáw awa asalmoó Edeni. Paángár asla ar war'eeliim amorqá' nee amqae gari qaás, asma loohidá' amór xa'anoó slafíngw kaw kawa xun.

Adam hareerós gari umií tsaát, gari báy Hawa asma a aayór múk slaáf sleémeero.