Versets bíblics populars de San Juan 14

Comparteix

“Ta xcac' comel ta atojolic ti slamajemal o'ntonale. Mu xco'olaj xchi'uc jech c'u cha'al ta xaq'uic ti buch'u li' oyic ta banomile. Mu me xatsiq'ues avo'ntonic, mu xaxi'ic.

Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.

“Tsotsanic, mu xachibajic. Pato avo'ntonic ta stojol ti Diose, pato avo'ntonic ta jtojol ec.

Ti Ch'ul Espiritue, ti ja' Jpat-o'ntonal ti ta stac talel ti Jtot ta jventae, ja' ta xa scoltaoxuc, ja' ta xa xchanubtasoxuc scotol taje, ja' ta svules ta ajolic scotol ti va'i s'elan laj calboxuque.

Ti buch'u ta xac' ta venta ti jmantale, ti ta xc'ot ta pasel yu'une, ta xac' ta ilel ti j'ech'el c'ux ta xiya'ie. C'ux ta x'a'yie yu'un ti Jtot ti buch'u c'ux ta xiya'ie, c'ux ta xca'i ti vu'un eque, xchi'uc ta xcac' jba iluc ta stojol —xi ti Jesuse.

Ta jc'anbe ti Jtote ti ac'o stacbucoxuc talel jun Jpat-o'ntonal ti j'ech'el xi s'elan ta xchi'inoxuque: Ja' ti Ch'ul Espíritu ti ta xac' ta na'el ti bu melele, ti mu lecuc ta xa'iic ti jnaclejetic ta banomile, yu'un mu xilic, mu xojtiquinic. Ja'uc ti vo'oxuque xavojtiquinic, yu'un oy ta atojolic xchi'uc nabal o ta atojolic.

Scotol ti c'usi ta xac'anic ta jventae, ta xc'ot ta pasel yo' jech ta sventa ti Nich'onile, ta jvinajes yutsilal ti Totile. Ti c'usiuc no'ox ta xac'anic ta jventae, ta xc'ot ta pasel cu'un.

“Mi c'ux ta xava'iicune, ta xach'unic ti jmantal unbi.

Ti bu nacal ti Jtote, yepal no'ox naetic oy ti bu ta xanaquiique. Ati yu'unuc mu'yucuque, laj xa calboxuc ava'iic ti mu'yuc ta xibat ta smeltsanel ti bu ta xanaquiic ti jechuque.

Ta xibat un, ta xba jchapan ta smeltsan ti bu ta xanaquiique. Ts'acal to un, ta xisut talel yo' ta xquic'oxuc ech'el yo' tey oyoxuc ti bu oyune.

Xi laj yal ti Tomase: —¿Mi yu'un ta jna'cutic ta stamel batel ti bee c'alal mu jna'cutic bu ta xabate, Cajval?