Versets bíblics populars de Jon 6

Comparteix

Deka Yesus wai ke isak langane. “Ngong bret ka kar mosongon ke osep. Gute sei ka me ke ngong ma sapanga due kovok e gute sei ka aitno la dagar ke ngong ma aki vel iye kovok.

Ano Itau kar mosongon oku ke osep e pampamu lite karanga lua ite ke mosongon oku kovok. Lou pelengon ane ka ngawai ke umu due Ano Itau sep ke aitno lumu deka umodue mosongon ka dong vala dong.

Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

E Yesus koli wai ke isak langane. “Ida Tapolngon waiki umodue elio langane. Ma aitno lumu la dagar ke gute ka iye pagei ke umu.”

Osep ka pula keniye ka Livou kar isak ke ngong io ma time ke ngong e ma ngasapir isak kovok.

E Saimon Pita koli wai langane. “Ipem Puda ma imala imedidi gute sei silang? Kesua wom vala gute ka amwai pelengon ka due osep tidue mosongon ka dong vala dong.

Ngong bret ka duru ke omur heven ka kar mosongon ka dong vala dong ke osep. Langka gute ngen bret ane ma iye dong vala dong. Bret ane pampamu lungong ka ngakare ke osep taklak ina ma tikaranga tidue mosongon ka dong vala dong.”

Gute kene karanga me ke ngong kovok lama Livou ka pagei ngong ngame paur iye ke ngong e ma ngadue tito e dong blang ke oklou ka Ida Tapolngon wade osep ka pula keniye urok elio ine.

Kesua bret ka me ke Ida Tapolngon duru me ke omur heven e kar mosongon ka dong vala dong ke osep ka tidong ke taklak.”

Ngong bret ka kar mosongon ke osep.

E Yesus due bret e wai tenkyu ke Ida Tapolngon ine deka kare ke ila disaipel e titongoe ke osep. E Yesus due langane ke lodu blang. E osep tingen la lama tigot. Alo ka osep tingen e tigot Yesus wai ke ila disaipel langane. “Umatagom ngangon emkil emkil ka daudeng lama ngangon leklou imina adai.”

E tipoi langka kilomita elme koke lumakene deka tivati Yesus lila ke aki tona. Iye polou olwo boto ke bot e ansak nesik ke iye. E Yesus wai ke isak langane. “Anmu nesik sakam. Kesua ngong tona ane.”