Versets bíblics populars de लुका 14

Comparteix

जेसापा हासु बुङ द्‍याङ का दोफा लोहे पानु, कालाउ कासेहेङ खान्तेङ हेन्जा वाको आबा, आमाइ, बे, चान-चामिन्दि, दादा-ओने, कालाउ बाइ-बेजान ओनेगेलाइहेङ प्रेम पाहे पानु, उङको द्‍याङ काङको चात्या जेङलि मादावा।

जेसापा हासु बुङ ताइको क्रुस माफासिङ कासेहेङ पिताइनु उङको द्‍याङ काङको चात्या जेङलि मादावा।

हाइपालिपानु हासु बुङ ताइमिहेङ बार्का बानाइखे, वासेहेङ लेता हु्ल्पावा, कालाउ ताइमिहेङ लेता हुल्पाका चाहि बार्का बानाइयावा।”

एन्साङ दोङ नेलाइ मध्ये जाइ काङको भाअ्सिङ गोताङ काथागेलाइ मालाअ्खे वा दोङ काङको चात्या जेङलि माद्वाङ।

जेसापा नाअ् एनोङ धरहरा बानाइलि भोखेना पानु, नाअ् लाम्फा ताका थेमाङबे-माथेमाङ योम्तेङ हिसाब पालि गोइखे, हेथे खार्चा लागिखे, गोताङ हिसाब लाम्फा दोङ पालि मागोइखे रो? जेसापा वा एन्सा मापाहि पानु, उङको द्‍याङ जग योम्पावा कालाउ धरहरा दोपालि सक्स्यम माजेनावा। इम्बालाइ दोअ्तावा, इदोइ द्‍याङ धरहरा धाम्लि तेङहि कालाउ पुरा पालि चाहि मादोहि।

जेलाउ हिदोइ बुङ इन्सिका भोज नाअ् पाना, उङको गरिब, खुर-खोकोइ माचोलिका, लेङग्रा, कालाउ कान्हागेलाइहेङ काइसु। कालाउ न्हुसो नाअ् धन्यको जेनाना, हाइपालिपानु खिल्का तिरिलि इम्बालाइ दोफा हाइ दोङ मान्थुवावा। जेलाउ धर्मि द्‍याङ स्यावा कालाउ सिकासो सिन्हुतावा, एन्सालाउ परमेस्वर वासेहेङ इनाम प्यावा।

देसेते एनोङ आवस्यक आमेने दोङ हि, कालाउ देसे दोङ चेचेका जेङनु हाइहोइ ताइका बानाइलि, कालाउ देसेको दोङ ताइको स्वाद राम्हे पानु इङको बेकामको जेनावा, कालाउ इङकोहेङ आरोङ ताइका बानाइलि मादोखे। इङको ना ते मिलिङहेङ मलको भाअ्सिङ काम लागिखे। द्‍याङगेलाइ इङकोहेङ एन्साङ बाहार थाइगिल्खे। जाइ काङको या काथा हिङदोङखे, वा इङको काथाहेङ ध्यान पितेङ हिनाको।