Versets bíblics populars de लुका 18

Comparteix

येसु ताइको चात्यागेलाइहेङ निरास माजेनाको दोअ्तेङ दिनाङ प्रार्थाना पालि धिर्पालि इदोइ निङपिका दोअ्का हिघाहि।

कालाउ परमेस्वर ताइको साल्का द्‍याङगेलाइहेङ जाइ झेम्पाङ-लिपाङ वाको आगाता न्याय निनाङकाबे दोअ्तेङ खार्खे, परमेस्वर वासेहेङ साघाइलि माबेलोम्खे। का नेलाइहेङ दोअ्खा, परमेस्वर ताइको द्‍याङगेलाइहेङ झटै इम्बालाइको न्याय पाप्यावा। कालाउ का द्‍याङको चान आरोङ प्रिथिबिता लोलाउ हेथे द्‍याङगेलाइहेङ का ह्रुता खाङधुरि निनाङका रो?

येसु दोअ्हि, जेदोङ द्‍याङको भाअ्सिङ आसम्भब काम हि, कालाउ परमेस्वरको भाअ्सिङ सम्भब हि।

हेन्जा दिनासोङ न्यायधिस उङको के सिका बेबालको काथा माहिङपिहि, कालाउ न्हुसो वा ताइको मनता दोअ्हि, का परमेस्वर दोफा माअ्थिखा द्‍याङको बुङ वास्ता मापाखा। कालाउ बुङ इदोइ के सिका बेबाल कासेहेङ मेनाङ दिनाङ हाइरान पानाङ का याको न्याय पापियाङका, माकुनुते वा घुरि-घुरि लोतेङ कासेहेङ हाइरान पावा।

जातिङ भारि का नेलाइहेङ दोअ्खा, परमेस्वर ताइको सासनता खिनिङ इम्बालाइहेङ सुइकार पावा जाइ दोङ परमेस्वरको सासनहेङ जामाल भाइपा सुइकार पावा।

कालाउ येसु चात्यागेलाइहेङ काइतेङ दोअ्हि, उङको जामाललाइहेङ काङको दोफा लोलि पिसु, इम्बालाइहेङ मागोराइसु हाइपालिपानु परमेस्वरको सासन इसकालाइको दोङ हि।

येसु वासेहेङ दोअ्हि, नाअ् तिङलि द्वाना, नाङको खाङधुरिसो नासेहेङ एल्पाका हि।

येसु वासेहेङ उत्तारा पिहि, नाअ् हाइ पालि कासेहेङ एल्का हिना दोअ्खेना? एमि परमेस्वर खिनिङ एल्का हि, वा बाहेक हासु बुङ एल्का मान्थु।