Versets bíblics populars de Yohanis 4

Comparteix

Allah tu Roh. Jadi sapa yang mau somba Antua, dong musti dapa pimping dari Allah pung Roh par somba Antua deng iko Antua pung ajarang yang batul.”

Mar pas akang pung oras nanti, mala sakarang ni jua, orang-orang yang batul-batul somba Allah Bapa nanti dapa pimping dari Allah pung Roh par somba Antua deng iko Antua pung ajarang yang batul. Barang, Allah Bapa mau orang-orang somba Antua macang bagitu.

Mar sapa sa yang minong aer yang Beta mau kasi par dia, dia nanti seng aos-aos lai sampe tarus-tarus. Labe-labe lai, aer yang Beta mau kasi par dia tu, akang macang deng mata aer yang hener kaluar seng barenti-barenti dari dia pung hati. Mata aer tu biking dia hidop tarus-tarus.”

Yesus bilang par dia kata, “Usi, kalo usi tau Beta yang minta aer minong dari usi ni sapa deng kalo usi tau berkat apa yang Allah mau kasi par usi, usi sandiri yang nanti minta aer dari Beta la Beta nanti kasi aer yang bawa hidop par usi.”

La Yesus bilang par dong, “Hoe dengar! Allah Bapa utus Beta par biking Antua pung mau deng par kasi abis karja yang Antua su kasi par Beta musti biking. Samua tu sama deng makanang par Beta.

La parampuang tu bilang par Antua kata, “Bapa e, parigi ni paleng kadalang baru Bapa jua seng ada pung timba. Jadi, Bapa nanti ambe aer yang bawa hidop tu bagemana?

La parampuang Samaria tu bilang par Yesus, “Bapa e! Beta tau kalo Orang yang Allah su Angka par Kasi Salamat Manusia, yang orang-orang panggel par ‘Kristus’ tu nanti datang. Waktu Antua datang, Antua nanti kasi tau samua-samua par katong.” Yesus bale bilang par dia kata, “Usi, Orang yang usi bilang par Kristus tu, itu Beta yang ada bicara deng usi sakarang ni.”

“Basudara e! Mari katong pi lia Antua satu ni. Antua tu bilang par beta samua-samua yang beta parna biking. Jang sampe Antua tu Orang yang Allah su Angka par Kasi Salamat Manusia tu kapa?”