Versets bíblics populars de Lukas 10

Comparteix

Beta su kasi kuasa par kamong par inja ular bisa deng kalajengking deng par kasi kala Setang pung Raja pung kuasa samua, sampe seng ada yang bisa kasi cilaka kamong.

Mar Tuhan Yesus bilang, “Marta e! Ale biking susa diri deng banya hal lawang! Mar, yang paleng panting tu cuma satu: Dengar Beta pung ajarang. Itu tu hal yang paleng bae yang Maria su pili, jadi Beta seng mau larang dia par biking akang.”

Tarus guru Torat tu bilang kata, “Akang ada bilang, ‘Sayang Tuhan Allah yang kamong somba tu deng kamong pung hati antero-antero, kamong pung jiwa antero-antero, kamong pung kuat antero-antero, deng kamong pung pikirang antero-antero.’ Akang jua ada bilang, ‘Kamong musti sayang orang laeng macang deng kamong sayang kamong pung diri sandiri.’ ”

Antua bilang kata, “Banya orang su siap par dengar deng parcaya Kabar Bae, mar orang yang mau kasi tau akang par dong tu cuma sadiki sa. Itu sama deng hasil kabong ada banya, mar orang karja par ambe hasil tu cuma sadiki sa. Jadi, orang karja parlu minta dari tuang kabong par kiring orang-orang tamba par ambe hasil tu. Bagitu lai deng kamong. Sombayang minta Tuhan Allah utus orang-orang labe banya lai par kasi tau Kabar Bae par orang-orang yang balong dengar akang.

Abis carita ande-ande tu, Yesus bale tanya guru Torat tu kata, “Kalo iko ale, dari dong tiga tu, sapa yang sayang orang yang dapa pukul tu macang deng dia sayang dia pung diri sandiri?” La guru Torat tu bilang, “Orang yang kasi unju dia pung hati bae par orang yang dapa pukul tu!” La Yesus bilang, “Kalo bagitu, pi la biking macang bagitu par sapa sa!”

Pi jua! Mar dengar! Beta utus kamong pi ka tenga-tenga orang jahat, macang deng domba ana pi ka tenga-tenga anjing utang.