Versets bíblics populars de Lukas 24

Comparteix

La Beta nanti utus Allah pung Roh par kamong, sama deng apa yang Beta pung Bapa su parna janji tu. Mar, kamong musti tinggal di kota ni sampe Roh tu datang la kasi kuasa dari sorga par kamong.”

Antua su seng ada di sini lai! Antua su hidop kombali! Kamong inga ka seng apa yang Antua su parna bilang par kamong waktu Antua masi ada deng kamong di propinsi Galilea tu?

Oras itu jua, dong dua pung mata tabuka la dong kanal Antua. Mar skrek bagini, Antua ilang dari tenga-tenga dong. La laeng bilang par laeng kata, “Ada haros kong katong pung hati sanang paskali waktu Antua bicara deng katong dua di tenga jalang tadi tu, deng waktu Antua kasi jelas Allah pung Tulisang yang Antua pung juru-juru bicara su tulis!”

Antua bilang bagini, “Dalang Allah pung Tulisang, Allah pung juru-juru bicara su bicara soal Beta, Orang yang Allah su Angka par Kasi Salamat Manusia ni. Dong bilang kalo Beta musti sangsara sampe mati, mar akang pung tiga hari Beta nanti hidop kombali. Dong jua ada bilang kata deng Beta pung kuasa, Beta pung orang-orang nanti pi kasi tau par samua orang kalo dong musti kasi tinggal dong pung dosa-dosa biar Allah kasi ampong dong. Beta pung orang-orang tu nanti bawa pasáng tu mulai dari Yerusalem sampe ka sagala bangsa di dunya.

Pas dong sampe di kubur, dong lia batu basar yang tutu mulu kubur tu su taguling. Tarus dong maso, mar seng lia Tuhan Yesus pung mayat di situ lai.