Versets bíblics populars de लूक 17

Comparteix

तव येशु नि तेले सांग, “उठीसन चालना जा, तुना विश्वास नि तुले बरा करेल शे.”

कदी दिन भर मा तो सात सावा तुना गुन्हा करस, आणि साती सावा तुना जोळे परत ईसन सांगो, कि मी पचतावस, त तेले माफ कर.

तव तेस्ना मधून एक हय देखीसन कि मी चांगला हुई जायेल शे, जोरमा परमेश्वर नि स्तुती करत तो येशु जोळे परत उना. आणि येशु ना पाय वर पालथा पळीसन, तेले धन्यवाद देवाले लागणा. तो शोमरोन प्रांत ना एक माणुस होता.

सावधान राहा कि तुमी काय करतस, कदी तुना भाऊ अपराध करस त तेले धमकाव, आणि कदी पचतावस त तेले माफ कर.

एनावर येशु नि विचार, काय दाहा न दाहा माणस बरा नई हुईनात, त मंग त्या नवू कोठे शेतस?

प्रभु येशु नि सांग, कि जर तुमना विश्वास राई ना दाना एवळा बी ऱ्हाता, त तुम्ही या तू तेना झाळ ले सांगतात कि मुय सगट उपळीसन समुद्र मा लागी जा, त तो तुम्हनी मानी लेता.

जो कोणी आपला जीव वाचाळाना देखीन तो तेले दवाळीन, आणि जो कोणी आपला जीव दवाळीन तो तेले जित्ता ठेवीन.

नंतर तेनी आपला शिष्यस्ले सांग, हय निश्चित शे कि त्या गोष्टी ज्या पाप ना कारण शेत, येतीन, पण तेना साठे कितला भयानक हुईन, त्या माणुस वर जेना व्दारे ठोकर लागस. कदी कोणी त्या व्यक्ती ले जो मनावर विश्वास करस, तेना मनावर विश्वास करान बंद कराना कारण बनस, भले तो ह्या पोऱ्या सारखा का नई हो, त हय तेना साठे चांगल हुईन, कि तेना गयामा एक मोठा दघळ बांधा मा येवो, आणि तेले बुळा साठे समुद्र मा फेकामा येवो.

जस आमना पूर्वज नोहा ना दिनस्मा हुयेल होत, तसच माणुस ना पोऱ्या ना दिनस्मा बी हुईन. ज्या दिन लगून नोहा जहाज मा नई चळना, त्या दिन लोंग लोक खात-पीत होतात, आणि तेस्ना मा लग्न-लुग्न होत होतात, तव जलप्रलय नि ईसन त्या सर्वास्ले नष्ट कर.