Versets bíblics populars de Luk 8

Comparteix

Mambolo matuwa o hehe ya mbɛ, maje nda bato bayoka Iyɔkɔ ja Zambe, na melema mya mbɛ mya hongololo. Bosina mɛnɛ bwa bango akɔlɔkɔsɔ Iyɔkɔ mɛnɛ o melema myango, na ipwɛcɛ bebuma bya mbɛ, na bosina bwa bango akangamakasa.»

Mambolo matuwa o manyɔn, maje nda bato bayoka Iyɔkɔ ja Zambe. Nde usya elɔmɔ yayeka, ebɛbɛ ya bokumani na bemba bya ndonga, byango byahimba bato mɛnɛ teka pwɛ bebuma bya hukehuke.

Isi ya mamanya yaje nda ibate bato bayoka Iyɔkɔ ja Zambe. Usya bango bayoka Iyɔkɔ mɛnɛ, bahimɛ jango na ncebo. Nde bango teka mekanga, bosina mɛnɛ, bwa bango babukwɛ mwa elɔmɔ bosiki. Usya bamama bango, bango te balɔngɔ.

Asɔhɔ na bango te: «Ibukwɛ ja bihi jabe bya?» Ya bɔngɔ bwabanda bango, ya bango bayecɛ. Okate, bajasa o bosɔhɔkɔ opanga ango te: «Abeza? Asɔhɔ na ipɛmɛcɛ bebece na mapoci, mango te mayoka ango!»

Pɛyi yaje nda ibate bato bayoka Iyɔkɔ ja Zambe. Usya bango bayoka, Satan aya ijɛlɛcɛ Iyɔkɔ mɛnɛ o melema myango, ihimbaka bango, ijaka teka ibukwɛ ja ihakaka bango.

Bosina te, teka emba yenyeni hɔmɔ, yabe jaka teka yɛnɛ na ekombe. Hamama, bemba bya maswɛ bya bejaka teka yɛnɛ o moji.

Usɛ, mwehito ayɛnɛ te ehelubwɛ, ango te aya na isikitaka. Atuwa te, opanga mako ma Zɛzi, na itandaka o boho bwa lupu jahajɛ bosina bwango apitasa ango, na etɛ ya ango ayongasa ibu jɛkɔ. Okate, ya Zɛzi ahungwɛ na neji te: «Mwana amɛ o yonga na ibukwɛ jɔbɛ, lwaka utabu.»

Okate bango te bahinyana iyemwɛcɛ ango, na isɔhɔkɔ neji te: «Lɔnji! Lɔnji! Mini ajetɛ o ilɛlɛ!» Ango te ayemwa, na ipɛmɛcɛ ebece na mapoci, na mango ikangaka. Itaba te kanwu.