Versets bíblics populars de ยฮ 1

Comparteix

อาเซ ยี รวห อัน, อาเซ บอ หณึม อัน, อัน เฌา แตห เฆ ดอน อี แบน ฆอน เฌาพรา.

อู ซีณ ดอ โฆว อัน, อึณ มึห อัน เฌา อี จืร “โฆรห.” โฆรห ตี กอย รึม โดบ เฌาพรา. บอ อัน บอ เฌาพรา มูห อู โมยว.

บลาง ฌึร ตี แตห โดง อับ ว็อง วี ลึห วี บลาง. อับ ว็อง อาว ปึอน ซีบลึก บลาง ตี.

อัน เฌา อี จืร “โฆรห” ตึอน, อัน แฮะ วี แบน ดูอี, แตห อัน กอย รึม โดบ เอ อาโมยว ดูอี. อัน มืร กาเว กาเซา อี. อัน บอ มาโนว เฆ บอ โบง นา หมาน เซเซ. เย มืร แฮะ ยึร อาพูง ดังโคว อัน. อึณ มูห อาพูง ดังโคว ปี ดัว เฌาพรา ดี ฆอน อัน, อี มูห ฆอน อู วี ตี.

เฌาพรา แฮะ แตห โฆรห ตี พาน เบลห โตต ดอน โมยว, แตห อึณ มึห. อาว มึห คอ อู โมยว ปี ตู พาน เบลห อัน. โฆรห ตี มืร มึห อาซาก ปี ดัว เฌาพรา. อาซาก ตี บอ ปี บลาง อี แตห ดูอี นับ นา หมาน.

ปา แคหณา อายอฮาน ตึอน วี ยึร เฌา เยซู ตัห โดง กอย อัน. อัน วี ต็อห, “แตห เบ ยอด, เฌาพรา แฮะ ตึย ดูอี วี ตี, แตห อัน คัม ดี ยัม ปี มาบู อี โลว หลู, แตห อัน บลัวะ แวน หมาบ เฆ ดูอี ดอน อี อี กอย แดง กาดาย.

อัน เฌา ตี แฮะ ดึอม กอย แดง กาดาย. กาดาย มืร มึห โกบ อัน. เฆ ดูอี แดง กาดาย ยี ตู นับ อัน. อัน ตัห ฌัม แคง มืง อัน. เฆ ดูอี อาโมยว อัน, เฆ ยี ตู รวห อัน.

บลาง ตี ยี มูห บลาง อาคาคัร, บลาง อี ตัห แดง กาดาย, แตห อี นับ นา หมาน, แตห อึณ ลึห ดี ดูอี ดอน อี.

เฌาพรา แฮะ แตห อาโมวแซ ตึอน ดัว ดารา อัน ดี ดูอี. อัน ยี แตห เฌา เยซู ดัว เฆฌู อัน บอ นา หมาน ดอน โมยว ดี เอ ดูอี.