Versets bíblics populars de Kejadian 12

Comparteix

Upepu dingeda, apedina upu ton cap dukdongopra pepu. Allahdi, ‘Angebo telep kweipkamne’ tenen, Abram tep pepu upuda ake. “Nedi kan tep, pio telep kweipkenedi, ne melimkenepa, kandi deipmempa, dadeipdanen baramenganen, deipkameng nesala, pio weik kupbankamenge. Anesala yumada, sun apu bo kunkamreme. Ne puto deiki di, kan si ila di ereipkenepa, nimi yumadi kan tep gekenkamenge. Nedi melimkenepa, kan deiki di yuk nesala weika di telep kupra deipkamne. Ware nesala do yuma, sundi kan tep, ‘Angebo telep kunkamre’ tenen, telep upu pepkengedi, telep kupra deipkengopda, nedi tamupra aneng teppu, telep upu pepnedi, telep kweipkamne. Ange utopu, ware nesala do, sundi kan tep mali upu pepra, kan nong deiki ikin keca deipmengedi, kan tep wipkengopda, nedi aneng teppu, tamupra sun nong deiki ikin keca derinkamne. Anesala sun wenemna tep wipkamne. Nedi melimkenepa, kan deiki di yuk nesala nimi tuai nesala mutu ban-ban yuma tep, telep kupra deipkamne.” Allahdi Abram tep pedina upu pepra deipu.

Amendada, Allah er si Yahwehdi Abram tep upepu. “Abramo, kan kurum mutu cap, kan yala neng cap, kan nai sisa ati kunge neng cap, sun nyapsilip yuma tapra, nedi benbenepkamken mutu benkurume,” pepu.

Allah er si Yahwehdi Abram tep, aupu pepka tep nengeda, Abramdi Haran mutu tapra beu. Ada Allahdi Abram tep, ‘Ukupkamrume,’ pepra deiputopu, Abram er nai er weit bodi deipu mi, Lot dopra Haran mutu tapra bisi banmai. Abram beu tarada, erda keteng tamun 75 tahun wisi konum deipu.

Abramda, More mutu beupa, Allah er si Yahwehdi Abram damai belepra tekudi, aupu pepu. “Abramo, kandi deipmempa, dadeipdanen baramenganen, dadeipkameng nyapu atep, amutu yuma karepkamne,” pepu. Amutuda, Allahdi Abram damai belepra tekudi, aupu pepka tep, Abramdi, Allah er si Yahweh tep, er gispal dona cap, er karena cap tep, pala gel doprapudi, pala gel taplakra yakeipu.