Versets bíblics populars de Matayɔ 19

Comparteix

Yeso ambʉɓʉkanga ɓʉ gbɔɔ, kija a꞉ɓusigio ɓɔ: « Moni ngika ka ɓʉkaɨ akʉ ɓombi, kambʉkɔmʉ ɓʉkaɨ akʉ Asʉɓɨɨ, jʉ yambʉkɔmʉ nɨngbaa yɨ moni gʉkʉ mɨngana ngia yaakyaka Asʉɓɨɨ. »

Iiya ɓɔ, ɛɓɔ ɓambʉkɔmʉ tii ɓata ɓombi ɓapɨnɨ, ɨkyɛmɨngana ɓa tii tʉkʉ ndʉtʉ mɨngana. Kʉ ɓwanɨ, ɓombi ngiɓa Asʉɓɨɨ uɓuɗitinisoo, mombi ɔɔɓʉɗʉkwanisokɔmʉ! »

Yeso ambuɓutisio ɓɔ: « Ajʉ nambupopokokɔmʉ sina‑zʉ ɓɔ, akʉ 'ʉkpanganɨa ‹ Asʉɓɨɨ a꞉kyɨa ɔɔ gue nʉ moi? › Asʉɓɨɨ ambusigo ɓɔ: ‹ Ya aka ekoo ʉ moni ngikʉnanɨ, iya gue a꞊ʉngwa‑ɔɔ ɔɔ ɨsɛ nʉ inye, kija ɓa꞊jubunio nʉ moi angɔ, ɓambʉka tii tʉkʉ ndʉtʉ mɨngana. ›

Kija Yeso a꞉sigio ɓakpataka ɓɔ: « Sɨeni ɓana ɓɔɔ ɗɛ ɗɛ ɗɛ kʉka ya andɛmɛ. Nɔɔɓunangyokɔmʉ, jʉ Ɓʉngama ngiɓa ɓa ekoo ʉ ɓisi ɓa ekoo ɓombi ngiɓa ɓa ngbanga ndʉ ɛɓɔ. »

Ya ɓwanɨ, ɓombi ɓaja ngiɓa ɓʉ ɓʉɓʉnɨ ɓa apɛɛ, ɓaɓio sina tiga ambise. Nʉ ɓombi ɓaja ngiɓa ɓʉ ɓʉɓʉnɨ ɓa ambise, ɓaɓio sina tiga apɛɛ. »

Mombi kʉ 'uɓomu ngia a꞉sɨa lɨkáa ngilangɔ, yɛmɔ ɓamanye ɓɔɔ gue, yɛmɔ iɓa ɓɔɔ ɓoi, yɛmɔ ɨsɛ, yɛmɔ inye, yɛmɔ ɓana ɓangɔ, yɛmɔ matɨnɨ aka ekoo asɛmɛ, a꞊nyɨa nʉ kumbo ngiinanɨ nyɨaa kʉɓaa nɨsɨ mɨa mʉngana, nʉ a꞊nyɨa sina tiga kʉ nʉ ʉɓɨɨ ngua wʉ mɨtʉ yɨ ɨpá nʉ mɨtʉ yɨ ɨpá.

Gʉ Yeso nayɔ ɓɔ: « Ndʉ wabaya kuɓio 'ʉkwananakɛ, sa kʉgaba kumbo ngiasɔɔ kʉ 'uɓomu. Falanga ɔngɔ, wambʉɨpakɨa ɓombi ɓʉ ɓanangyɨa. Kʉ ɓwanɨ, wa꞊nyɨa tiga nʉ ɨjangɨa yɛɛ ɨja ekoo ʉ ɓisi, mbise ɔngɔ wambʉnakpata. »

Yeso ambumutisio ɓɔ: « Jʉtanɨ wʉnaɓukuo aka ekoo moni ngika kɔɔ muɗo? Mombi ɔɔ 'uɗo a tʉkʉ mʉngana ɓʉ kpe. Wʉkʉndeni kukumunio amati ʉ Ɓʉngama ngiɓa ɓa ekoo ʉ ɓisi, kyananakɨa tʉkʉ mapanʉ. »

Nʉ ma ɓata kʉmatɨa ninu kusigio ɓɔ, kʉndʉ ya ɓʉkaɨ nama ɔɔ 'ʉja ngia ɓaamusoko ɓɔ ngamia kukumunio akʉ ihoo yɨ ɗipio, ya ɓata kʉ ɓʉkaɨ mombi ʉ lɨkyɛmɛ kukumunio akʉ Ɓʉngama ɓʉ Asʉɓɨɨ! »

Maninu kusigio ɓɔ gue utuiseni moi angɔ, ambʉchɨka wɔmɔ, ambʉ ʉkyɨa ɨndambʉ kyɨanɨ. Yiɓio tʉkʉ ambʉ ɓʉ꞉mʉfa nʉ gue. »

Kija Yeso a꞉sigio ɓakpataka ngiɓangɔ ɓɔ: « Tʉkʉ kingono, maninu kusigio ɓɔ, ya ɓʉkaɨ mombi ʉ lɨkyɛmɛ kukumunio akʉ Ɓʉngama ngiɓa ɓa ekoo ʉ ɓisi.