Versets bíblics populars de Lucas 12

Comparteix

Usaribi oquin camina mitsúnribi ꞌë binuxun ꞌëx uti caínti ꞌain. Bërí ca utima ꞌicë quixunmi mitsun sináncëbëbi cana uti ꞌain. Usa ꞌain camina camabi nëtën, aia binuxun ꞌë caínti ꞌain.

Usa ꞌain camina ainan ꞌianan ax cuëëncësabi oquin pain ꞌati ꞌain. Usaquin ꞌacëbëtan ca an anúnmi mitsux upitax bucuti ñucama aribi mitsu ꞌinánti ꞌicën.

Usaquin caxun ca anu ꞌicë unicama Jesusan cacëxa: —Ñu ꞌitsa ꞌain cana Nucën Papa Diosan iscëx upí ꞌianan upitax ꞌi cuëënti ꞌai quixun camina sinántima ꞌain. Usaquin sinanima camina ꞌitsa ñuñu ꞌiti sinánan uni itsin ñuribi cuëënti rabanan bërúancati ꞌain.

Uisa ñun cara cuëënia, a ñuishi ca unin sinania. Axa ënë nëtënu ꞌicë ñuñu ꞌiti cuëëncë unin ca a ñuñu ꞌitishi sinania. Usa ꞌaínbi ca an Nucën Papa —Diosan a cupíoquin aín nëtënuxun chuámarua ꞌimiti cuëëncë uni an Nucën Papa Dios cuëënun ax cuëëncësabi oquin ꞌatishi sinania.

Nucën Papa Diosainshi canimicë ꞌaish camina mitsúxbi canitisa tani masá nuitutibi canitima ꞌain.

Jesusan ca aín ꞌunánmicë unicama ësaquin cacëxa: —Cana mitsu cain, añu caramina piti ꞌain, añu chupa caramina pañuti ꞌai quixun acama sinani camina masá nuitutima ꞌain.

An ca mitsuribi ꞌunánan uiti buñu caramina ꞌai quixun ꞌunania. Mitsux camina ꞌisásamaira ꞌain. Usa ꞌain ca ꞌisá chamaratsucama ꞌacësamaira oquin Nucën Papa Diosan mitsu bërúanquin isia. Usa ꞌain camina unían mitsu bamamisa tancëxbi racuë́tima ꞌain.

Ësaquinribi ca Jesusan aín ꞌunánmicë unicama cacëxa: —Mitsux camina ꞌënan ꞌain. Usa ꞌaish ꞌitsairama ꞌaínbi ca mitsux ainan ꞌianan aín nëtënu abë ꞌiti Nucën Papa Dios cuëënia. Usaquin ꞌunani camina racuë́tima ꞌain.

Mitsun camina ꞌiscucama ꞌunanin. An ca ñu ꞌapánan bimi bucunuxun bitsima. An anu bixun bimi nanti xubu ca ꞌaíma ꞌicën. Usa ꞌicëbi ca Nucën Papa Diosan atun piti ꞌinania. An ñu pëchiu ꞌacësamaira oquin ca mitsumi sinánquin mitsu piti ꞌinánti ꞌicën.

Añu ñu caramina piti ꞌain, añu ñu caramina xëati ꞌai quixun camina bënëti masá nuituquin sinántima ꞌain.

Upíira upí ꞌitancëxbia xanania unin tsin nëëncëx ca a ro ua cëñutia. Usai ꞌinunbi ca Nucën Papa Diosan aín ua upíira upí ꞌimia. Usoquin ꞌacë ꞌain camina ꞌunánti ꞌain, ro ua ꞌacësamaira oquin ca an mitsúnmi pañuti chupa mitsu ꞌinánti ꞌicën. Mitsux usaquin sináncëma ꞌaish camina upiti Nucën Papa Diosmi catamëcëma ꞌain.

Unían uni itsi paránxun ñu ꞌacëxbi ca unëtima camabi unían ꞌunáncë ꞌiti ꞌicën. Usaribiti ca unían ñu upí unë́xun ꞌacëbi camabi unían ꞌunáncë ꞌiti ꞌicën.