Versets bíblics populars de Lucas 23

Comparteix

Suntárunëan usoquin ꞌacëxun ca Jesusan Nucën Papa Dios cacëxa: —Papan, ënë unicaman ca añu cara ꞌaia quixun ꞌunanima. Usa ꞌicë camina atun ꞌucha tërë́nquin manumiti ꞌain. Usa ꞌain ca anu uni matáscë i curúsocëcama nitsíntancëxun, suntárunën uin cara isa Jesusan chupa bëtsi bëtsi biti ꞌicë iscatsi quixun ñuratsu pain niquin tancëxa.

Cacëxun ca Jesusan cacëxa: —Asérabi cana ꞌën mi cain, ënë nëtë́nbi camina anu ꞌëx ꞌicë anu ꞌëbë ꞌiti ꞌain.

Usoquin bëtsi catancëxun ca a unin Jesús cacëxa: —Jesús, min nëtënuax ꞌapu ꞌixun camina ꞌë manutima ꞌain.

Usaía ꞌicëbë ca munuma cuëncënishi Jesús quiacëxa: —Papan, ꞌën cana ꞌën bëru ñunshin minmi binun mi ꞌinanin. Usaquin catancëx ca ashiti bamacëxa.

Usoxun ca suntárunën a buani cuanx, Mapuxo cacë me, anu bëbaquin anuaxa bamanun Jesús matástancëxun i curúsocë nitsíancëxa. Nitsíanan ca an ꞌatima ñu ꞌacë uni rabë́ribi i curúsocënu matástancëxun, bëtsia Jesusan mëqueu ꞌimainun bëtsi Jesusan mëmiu ꞌinun nitsíancëxa.

Usai ꞌimainun ca bari xamárucëbëbi me bëánquiacëxa. Bëánquiax ca rabë́ ꞌimainun achúshi hora ꞌicëbë bari pëquitëcëancëxa. Usai bari bëánquimainun ca Nucën Papa Diosan ꞌimicëx anuxun a rabiti xubu mëu anun bëpáncë chupax amo rabë́ ꞌinun tuquiacëxa.

Usaía ꞌicëcama isquin ca Romanu ꞌicë capitán Nucën Papa Dios rabi quiacëxa: —Asérabi ca ënë unix ꞌuchañuma ꞌiaxa.