Versets bíblics populars de Yoáni 6

Comparteix

Mpɔ, Yéso áɔ̌tɔmia ɓe: «Nende Mokati á endisa. Mmbé amobikíí, kákuwɛku tanda na nja na mmbé amoɓeeki, kákuwɛku tanda n'ɛnyɔta.

Měma á kanga ɓojeɗe aunge aoendisa. Nga, nkpa sasakɛ nnaɔtɔka ka kema. Nyɔngɔ nde ɗénóngoɗi, ande á Měma na anóphande enda.

Ɓɔ́kɔbɛɗanɛgɛmbɛ ka nyɔngɔ á eea nde aoújukana, áɓɛ ndiu ka nyɔngɔ á eea nde aoendisa mɛyɔ. Eea ndɔ, eme Muna-Nkpa, aámbé nenóphande nga, Abɛ Mokonga amopi kɔkɔta í.»

Cɔ, mɔphɛ á Abɛ a ɓe: Mmbé aɔmɔna Muna-Mokonga na ɓeekea akɛ, áɓɛ na enda á mɛyɔ na nenjujukisande k'ésa á sungiaga á mokonda.»

Yéso áǒsikisia te: «Ekuma nde Mokonga akondi ka ɓenu, ande ɓeekea á mmbé anteki.»

Ɓakpa ɓɔbu ɓunde Abɛ amopi, ɓámobikiande. Mmbé amobikíí kémɓeɛgɛku tanda.

Simɔ́ni Pɛ́tɛɛ â gǎkɛ onsikisia: «Cɔ, Mɔkɔta, ɓegande mɔtɛ á ani? Nga, ona nyɔngɔ á endisa á mɛyɔ.

Nende mokati á endisa, nnde atóki na koba. Aoɓá nkpa n'aí ka mokati ndɔ, aendande mɛyɔ. Mokati ndɔ, ande kesuku ani, nnde něgabeande ɓato á ka mokonda ka gea, ɓáɓɛ na enda.»

Nna na nkpa nde aɔtɔka n'abiki mɔtɛ-amɔ, Abɛ mmbé amoteki na kámɔphani. Na eme, nenjujukisaeka ka kukuwa esa á sungiaga á mokonda.

Nga, mokati ndea Mokonga aunge aotóka na koba, áǒɓopha ɓato á ka mokonda enda.»

Eme nende mokati á endisa.

Mpɔ, Yéso áoɓoa mokati ndɔ, áonsega Mokonga k'ɛ́mɛmi, áogaba ú ka ɓakpa nde ɗáɓátú wa. Â phɔtɔ ogea ɓó na ɓasú, nkpa na nkpa áoea ɓíndɔ akondi. Ɓî ɓákuti ye, Yéso áǒngoɗea ɓagoigi nɛkɛ: «Kɔngɔani due ka gea, kau kaújukanɛmbɛ.»

Mbusa á tamba á ɓɔ ka koko ɓea kilɔmɛtɛɛ ɓɔku, kaɓɛ ngianjaga (6), ɓáɔmɔna Yéso n'aotamba gǔ á iɓo ka bîmisia á koko. Mpɔ, ɓáoɓá na kɔɓɔɓɔkɔ. Yéso â gǎkɛ ǒngoɗea: «Ɓókóɓangɛmbɛ, eme aámbɔ!»