Versets bíblics populars de यूहन्ना 17

Comparteix

तोरिक वचन सच्चा बा। तबेकमारे ओइन्हे तैँ सच्चाइसे पवित्र बनादे।

सदाकालके जीवन यहे हो, कि मनै एक्केथो किल सच्चा परमेश्वरहे चिन्हिँत, और तोरिक पठाइल येशू ख्रीष्टहे चिन्हिँत।

येशू कलाँ, “मै यी चेलनके लग किल प्राथना नै करथुँ, पर ओइन्के लग फेन करथुँ, जेने यनके देहल सन्देशसे मोरिकमे विश्वास करहीँ। ताकि ओइने सक्कु जाने एक हुई सेकिँत। जसिके हे बाबा, तैँ मोरिक संग एकतामे बते और मै तोरिक संग एकतामे बतुँ। ओस्तेके ओइने फेन हमार संग एकतामे होजाँइत, और तैँ महिन्हे पठैले कहिके संसारके मनै विश्वास करिँत।

तैँ ओइन्हे संसारमेसे लैजा कहिके मै प्राथना नै करम, पर ओइन्हे शैतानसे सुरक्षित धारदिस।

जोन महिमा तैँ महिन्हे देले बते, वहे महिमा मै ओइन्हे देले बतुँ, ताकि जसिके हमार मन एक्के बा, ओस्तेके ओइन्के मन फेन एक्के होजाइन। तैँ मोरिकमे और मै ओइन्केमे बतुँ ताकि ओइने पूरा रुपमे एक होजाँइत। जिहिसे संसारके मनै यी जानलिँत कि तहिँए महिन्हे पठैले, और तैँ ओइन्हे ओस्तेहेँ प्रेम कर्ले, जसिके महिन्हे कर्ले।