Versets bíblics populars de लूका 13

Comparteix

“साँकिर दवार सोज पैँठ्ना कोशिस करो, परमेश्वरके राजमे जैना डगर साँकिर बा, और यी डगर सोज जाई सेक्ना महा कर्रा बा। काकरेकी मै तुहुरिन्हे कहतुँ, बहुत्ते जाने पैँठे खोज्हीँ, पर पैँठे नै सेक्हीँ।

तब वहाँ एकथो जन्नी मनैया रहे, जिहिहे अठार सालसे अपाहिज करुइया भूत्वा लागल रहिस। ऊ कुब्री होगिल रहे और ऊ सोझे होके ठरह्याई नै सेके। येशू उहिहे देख्लाँ और बलाके कलाँ, “ए नारी, तैँ अपन कुब्रीपनसे मुक्त होगिले।”

तब् येशू ओकरमे अपन हाँथ धरलाँ ते ऊ जुरतेहेँ सोझ होगिल, और परमेश्वरके प्रशंसा करे लागल।

हेरो, बहुत्ते मनै जेने अब्बे भारी बताँ, ओइने छुटी कराजैहीँ। और जेने अब्बे विनम्र बताँ, ओइने भारी बनाजिहीँ।”

जब परमेश्वर, जे घरक मलिक्वा हो, ऊ उठ्के दवार लगाके सेकी ते, तुहुरे बाहेर ठरह्याके बिन्ती करके दवार ढकढक्यैबो और कबो, ‘प्रभु हमार लग दवार खोलदेऊ।’ पर ऊ जवाफ देके कहिहीँ, ‘तुहुरे के हुइतो और कहाँसे अइलो, मै नै चिन्थुँ।’

मै तुहुरिन्हे कहतुँ, असिन नै हो। पर यदि तुहुरे पाप करना नै छोरबो, और अपन मन नै बदल्बो कलेसे तुहुरे फेन सक्कु जाने अस्तेके नाश होजिबो।”

ऊ कहिहीँ, ‘मै तुहुरिन्हे कहतुँ, तुहुरे के हुइतो और कहाँसे अइलो मै नै जन्थुँ। अधर्म काम करुइयन, महिन्से दूर होजाऊ।’

तब् येशू कलाँ, “परमेश्वरके राज केकर हस बा और मै यकर तुलना किहिसे करुँ? परमेश्वरके राज धर्तीक सक्कु बियामेसे सक्कुहुनसे छुटी लहटक बिया हस हो। ओसिक ते लहटक बिया सक्कु बियामेसे छुटी हो। पर यी जब भारी हुइत। तब बहरके यी बारीक सक्कु सागसब्जीनसे ढेंग होजाइत। यकर अतरा नम्मा-नम्मा दहियाँ हुइथिस कि आकाशमे उरुइया चिरैँ फेन यकर दहियँक छाहीँमे ठाँट बनाई सेक्थाँ।”