Versets bíblics populars de लूका 17

Comparteix

तब् येशू उहिहे कलाँ, “उठो, और अपन डगर लागो। काकरेकी तोहाँर विश्वास तुहिन्हे चोख्वैले बा।”

यदि तुहुरिन्के विश्वासी भैया एक दिनमे सातचो फेन तुहुरिन्के थेन घुमके आके ‘मै अपन मन बदलके पाप करना छोरतुँ’ कही कलेसे तुहुरे उहिहे माफ करदेहो।”

पर जब ओइन्मेसे एकथो देखल कि ऊ चोखागिल बा, तब ऊ येशूक थेन फिर्ता आइल। और महा जोरसे परमेश्वरके महिमा करे लागल; और येशूहे धन्यवाद देके ऊ येशूक गोरामे घोपत्या परगिल। उ मनैया सामरिया प्रदेशके रहे।

हौश्यार रहो, कि तुहुरे का करतो। यदि तोहाँर विश्वासी भैया पाप करी कलेसे उहिहे गरयाऊ और ऊ अपन मन बदलके पाप करना छोरदी कलेसे तुँ उहिहे माफ करदेहो।

येशू कलाँ, “का चोखैलक दश जाने नै हुइताँ? ते नौ जाने कहाँ बताँ?

प्रभु येशू कलाँ, “तुहुरिन्केमे एकथो लहटक बिया जतरा फेन विश्वास रही कलेसे तुहुरे यी टुँटके रुख्वाहे, ‘तैँ उँखरके समुन्दरमे लागे चलजा’ कहिके कबो कलेसे उ तुहुरिन्के कलक मानजाई।”

जे अपन ज्यान बँचाई खोजी, उ उहिहे गुमादारी। और अपन ज्यान मोरिक लग गुमुइया उहिहे बँचाली।

येशू अपन चेलनहे कलाँ, “पाप करे लगैना परीक्षा ते पक्कै फेन आइत। पर धिक्कार! उ मनैयाहे जिहिसे पाप करे लगैना परीक्षा आइत! जोन मनैया यी छुटिसे छुटी जेकर महत्त्व नै हो, ओकरमेसे कौनो एक जहनके लग पापके कारण बनत। चाहे यी छुटी लरकक हस ना होए। उ मनैयक लग ते यहे मजा हुइहिस कि ओकर घेँचामे बरवार चकियक पठरा बहानके समुन्दरमे उहिहे फेँकादेजाए।

हमार पुर्खा नोअक दिनमे जस्तेके हुइल रहे। मै, मनैयक छावक दिनमे फेन ओस्तेके हुई। नोआ जहाजके भित्तर नै जाइतसम मनै खाइतिहिँत, पिअतिहिँत और भोजव्यहा करतिहिँत। तब जलप्रलय आइल, तब सक्कु जहनहे खतम करदेहल।