Versets bíblics populars de ଲୁକା 19

Comparteix

ଚିୟାଃଚି ଇଙ୍ଗ୍ ମାନ୍‍ୱା ରାଃ ହୋନ୍ ଆଦାକାନ୍ କୋକେ ଦାଣା ଲାଗିନ୍ ହାର୍ ଇନ୍‍କୁକେ ବାଞ୍ଚାଅ ଲାଗିନ୍ତେ ହିଜୁଃକାନାଇଙ୍ଗ୍।”

“ଧାନ୍ୟା ଏନ୍ ରାଜା ତାନିଃ, ଅକନିଃ ପ୍ରାଭୁ ଆଃ ନୁତୁମ୍ ତେ ହିଜୁଃ ତାନାଏ! ସିର୍ମାଦିଶୁମ୍ ରେ ଶାନ୍ତି ହାର୍ ରିମିଲ୍‍ଦିଶୁମ୍ ରେ ମାନାରାଙ୍ଗ୍ ହୋବାଅଃ କା!”

ଏନ୍ତେ ୟୀଶୁ ଇନିଃକେ କାଜିକେଦାଏ, “ଇସିଙ୍ଗ୍ ନେ ଅଡ଼୍ଆଃ ରେନ୍ ହୋଡ଼ୋକୋୱାଃ ରେ ବାଞ୍ଚାଅ ହିଜୁଃ କାନା, ଏନାମେନ୍ତେ ଚି ନିଜୋଗି ଆବ୍ରାହାମ୍ ରାଃ ମିୟାଃ ସାନ୍ତାନ୍ ତାନିଃ।

ଚିମ୍ତାଙ୍ଗ୍ ୟୀଶୁ ଏନ୍ ଲୋୱା ଦାରୁ ତାଃ ସେଟେର୍ ଜାନାଏ, ଇମ୍ତା ଦାରୁ ଚେତାନ୍ ନେଲ୍ କେଦାଏ ହାର୍ ଇନିଃକେ କାଜିକିଜାଏ, “ହେ ଜାକ୍କାଇ, ସେକାଡ଼୍ ଆଡ଼୍‍ଗୁନ୍ ମେ, ଚିୟାଃଚି ଇସିଙ୍ଗ୍ ଇଙ୍ଗ୍‍କେ ଆମାଃ ଅଡ଼୍ଆଃ ରେ ତାଇନ୍ ଜାରୁରୀ ମେନାଃ।” ଇନିଃ ଇମ୍ତାଗି ଆଡ଼୍‍ଗୁ କେତେ ରାଶିକା ତେ ୟୀଶୁ କେ ଆଜାଃ ଅଡ଼୍ଆଃ ତେ ଇଦିକିଜାଏ।

ଜାକ୍କାଇ ତିଙ୍ଗୁ କେତେ ପ୍ରାଭୁ ୟୀଶୁ କେ କାଜିକେଦାଏ, “ହେ ପ୍ରାଭୁ, ନେଲେମ୍, ଇଙ୍ଗ୍ ଇଙ୍ଗ୍ଆଃ ଆଧା ସାମ୍ପାତି ଗାରିବ୍ କୋକେ ଏମାକୋ ତାନାଇଙ୍ଗ୍, ହାର୍ ଆଗାର୍ ଅକେୟାଃ ଜାହାନାଃ ଅଗି ଆନ୍ୟାୟ କେତେ ଇଦିକାଦିଙ୍ଗ୍ ରେଦୋ ଇନିଃକେ ଚାଇର୍ ଗୁନା ରୁଆଡ଼୍ ତାକୋୱାଇଙ୍ଗ୍।”

ଏନ୍ତେ ମିଃଥିମ୍ବା ହୋଡ଼ୋକୋ ଏତେ ଚିମିନାଙ୍ଗ୍ ଫାରିସୀ ହୋଡ଼ୋକୋ ଇନିଃକେ କାଜିକେଦାକୋ, “ହେ ଗୁରୁ, ଆମାଃ ଚେଲାକୋକେ ଏଗେର୍ କୋମ୍।” ୟୀଶୁ କାଜିରୁଆଡ଼୍ କେଦାଏ, “ଇଙ୍ଗ୍ ଆପେକେ କାଜିପେତାନିଙ୍ଗ୍, ଆଗାର୍ ନିକୁ ହାପା ତାଇନୋଗାକୋ, ଏଣ୍ଡେ ଦିରିକୋ କାଉରି ବିରିଦାକୋ।”